NTSI LÉNANG KRITÈN
Mpè tôôté ntsi zi Joovah a lôk mbœu’tè akhouô lézing gning pa’a, ndôk ntsui nkông-né
Gning-è faa a mbou Ndem mbing té meuk nzeung ngwa’ méfaa mi pa’a, mè fhô a nguia atchou’té éfôkô yi, ndôkô mbœu’tè akhouô lézing zi, mbing nzeung-è ndôkô mbaa nguè ndè’ atshuè tépông a jheuè atchou’té. (1 Cor. 5:6, 11) Mpè ping ntôôté ntsi zi Joovah a lôk mbœu’tè akhouô lézing gning pa’a, ndôkô ntsui nkông-né. Mè ping ndeuè poup mela’akô tè mbô, mè fhô a nguia atchou’té éfôkô gning, épouô atseung-è nguia zi, mbô méssoo pi, ngheu ménfènè é pou njou’ tépông?
Té mbou ntôk ajouô tseum, mpè gheu poup pa’a, ndôkô ntsui mia nkông-né zi mpè wè anè lézeung Joovah mbô anè mémbeu mi, émi é pou ngô ndaané-laané. (1 Pierre 1:14-16) Mpè zeung ngheu poup ndôkô nzeung-è ntsui nkông-né a mbou gning yi mè fhô nguia atchou’té, éfôkô yi. A zi ngô yi lépœu’tè akhouô lézing-è gning a gheu a jou’ tépông, mbô a la’ ngué zôkô, nzeum “ntaa mbouèné zi ndeung-ndeung.” (Héb. 12:5, 6, 11) Mpè ku’nè ngwoua épouô pi é lé za’a lé zeung shi’ métchou’té kèè épi mè lé fhô a nguia atchou’té éfôkô wôp lè, mpè lôkô seukè athou a mbou Joovah. Mpè kimtè léghè, Joovah a pœu’tè akhouô lézing méghang-afa’ pi “anè ntsi zi é kou’né.” (Jér. 30:11) Mpè nông nzu’tè nguè gning yi a faa a mbou Ndem a ping-nzeum, mpè ké nku’né ntôôté ntsi zi Joovah a ndôk mbœu’tè akhouô lézing zi, mbing lé lôk métsoo ajwakné ngheu méghaa.—Is. 1:16-18; 55:7.
JIÔ VIDÉO YI LÈ MPÈ TSUI TEMTESÈT MÉ NTEU YIMPÈ NTSEUM, MBING NTSÔ’ MÉNZÈTÉ MOUÔ MI É PAATÉ:
Môô yi mè jiô a nteu vidéo, a lé wa’a Joovah, mô’ô yi pô mia é jou’ ngô é lèkô?
Mè fhô a nguia atchou’té éfôkô gning, mbô épô mémia é ghô tôôté épouô atseung-è nguia zi, épi é zè nkouèrè nèt anè Joovah, é lèkô?
Éwuè pêté Biible a tsui léghè lékouèt-nèt anè Joovah, a pôngtè lé pou ntshi mvhô anè lékouèt-nèt anè épouô atseung-è nguia zimpè?
Mpè ghô ghaa té ntsui léghè lékouèt-nèt anè Joovah a pou ntshi mvhô a mbou pimpè, ntôkô lékouèt-nèt anè épouô atseung-è nguia zimpè?