Zinga Mvu ka Mvu mu Nyenzi va Ntoto.

Nkanda wu ba usonikina mo ukusadisa mu kuzaba nawou uvanga ntoto ai biabioso bidi momo. Wa nlonguka ti Nzambi awou uvanga ntoto widi dizina. Tu nzabikisa mvandi ti mu mbi Nzambi kavangila mutu ai bwidi ngieu fuene kuzingila mvu ka mvu mu nyenzi va ntoto.

Tu nta mana ti bifwanyi biwombu bidi mumu bikusadisa mo uvisikisa buboti mambu amama. Mo ubaka ndandu, fuene kutanga bibuku bi nkanda Nzambi bidi vandambu bifwanyi. Nkwiza tanga ngieu feka mboi makani mamboti ma Nzambi, madi mu nkand’andi, ai momo ma Nzambi kantuba ma ufuene kuvanga mo ubaka mambu ma katukanikisa.

Mba ngieu ntomba mvaku kusadila nkanda wu mo usadisa bankaka. Ti widi bana, sadila wau mo ubasadisa mu kulonguka mambu ma Nzambi. Ti ngieu ku ukala kwidi bakulutu bawombu bakambu zaba kutanga, sadila mu bifwanyi bidi mumu mo ubasadisa mu kuzaba makanyi ma Nzambi, mo mvau basadisa bankaka.

Tu nta mana mu kiedika ti ndongokulu i mambu amama mankuiza kukuvanga ubaka lusakumunu luwombu, ai mvandi mo ubamonisa bwidi bafuenini kuzingila mvu ka mvu mu nyenzi va ntoto.