Ngyewu Wala Vanga Luzolo lu Yave?

Matondo bo beki thangu mu kutanga mwa buku ayiyi mwingi wuzaba buboti banani Zimbangi zi Yave, mbi baḿvanganga ayi bwidi buǹdyatilanga ǹkangu’awu wu lulama. Bika kilongulu akiki ki kuzabikisa baḿvanga luzolo lu Nzambi mu thangu ayiyi. Tu kukindisa mwingi wu bwela kulonguka dyambu di Nzambi, ayi wukamba mawu kwidi bo baǹzinganga yaku va dikanda, bakundi baku ayi kubwela kutakananga yitu mu zikhutukunu.—Ebeleo 10:23-25.

Wala mona ti bo wuḿbwedila longuka matedi Yave, buawu buna luzolo lwaku mu nandi lu bwedimina. Bosi, wala kindama mu kuvanga luzolo lwandi. (1 Yoane 4:8-10, 19) Angi bwidi wulenda monisina luzolo beni mu lumbu ka lumbu? Kibila mbi wufweti zingila mawu? Mbi byala kusadisa wubundana yitu mwingi kuvanga luzolo lu Nzambi? Ńlongisi’aku wu Kibibila wala kwangala mu ku kusadisa na dikanda dyaku mu kubakula miḿvutu mu byuvu abyobyo mwingi ‘wuzingila mu luzolo lu Nzambi, lwala kuvanga baka luzingu lu kandalala.’—Yuda  21