Mbote zi Nsangu Mbi’e?

1. Zi nsangu mbi zi fumini kwidi Nzambi’e?

Nzambi wu ǹtomba bantu babonso, ba zingila mu mayangi va ǹtoto. Nandi ka wu vangila ayi bya byoso bidi momu, kibila wu zola ǹza. Wa ḿbelama kutwala ǹzingulu yimbote, kumanisa zimpasi zi bantu ayi ba ǹtwadisanga zyawu.​—Tanga Yelemia 29:11.

Vasiko ǹtinu wu lenda kumanisa malema, bumpunya, kimbevo ayi lufwa. Dyawu nsangu ayi yimbote. Nzambi wa ḿbelama kubotula mintinu mi ǹza, ayi wu ḿvingisa kintinu kyandi. Babonso ba ḿvanganga luzolo lu Nzambi, bala zingila mu malembe ayi mu buvinya.​—Tanga Yesaya 25:8; 33:24; Danieli 2:44.

2. Kibila mbi zi nsangu beni zididi ǹswalu?

Nzambi wu manisa zimpasi va ǹtoto, mu ntangu kala bunga bantu ba mbi. (Sefania 2:3) Ntangu mbi mala ba? Kibibila ki tu kamba ti, ma monikanga mu bilumbu bitu, ma tu lubula ti ntangu yeka yi nkufi.​—Tanga 2 Timoteo 3:1-5.

3. Mbi tu fweti vang’e?

Tu fweti longuka kibibila mo tu zaba Nzambi. Kyawu kidi banga ǹkanda wu fumini kwidi tata yi luzolo. Kibibila ki tu kamba bwidi tu lenda bakila ǹzingulu yimbote mu bilumbu bitu ayi luzingu lu ḿvu ka ḿvu ku ǹtwala. Bu kyedika ti bawombo ba nkambu tya ngyewu wu visikisa Kibibila. Angi mpwasa yi ku bakila luzingu lu mbote lu ǹkwiza ku ǹtwala tulendi ko kuzimbisa, luawu lu lutidi.​—Tanga Zingana 29:25; Nzaikusu 14:6, 7.