Thonono yi Kikhuku 14

Baklisto batheti batyamuna zitsangu zimboti zi Kintinu mu bibwangu bi kinanu mu nza. Yesu wuba monisina bibwangu bafweti longa ayi mu zingolo zi Nzambi bawu balonga batu ka batu mu mbembo’awu. Yave wubavana mangolo ayi kibakala mwingi kukindama mu ziphukumunu zi batu baba tomba kukandikila kisalu ki kusamuna.

Yesu wusadisa mvuala Yoane kamona nkembo wu Yave. Mu kimona meso kinkaka, Yoane wumona Kintinu ki Nzambi kiba nwanisa luyalu lu Satana ku diyilu. Kintinu ki Nzambi ki nunga mu nzingu beni, ayi kyala yala mvu ka mvu. Yoane wumona mvandi Yesu wuba yala buka Ntinu mu Kintinu beni ayi 144.000 di batu banka bafumina va ntoto. Nvuala Yoane wumona mvandi ti ntoto woso wubaluka paladizu yimboti ayi batu boso baba bwongimina Nzambi va kimweka mu ndembama.