‘Nnuni’andi Wuzabakana mu Mavula ma Tsi Zyoso’

Nkyeto wukyedika wumvanganga bankaka bakinzika nnuni’andi mu zikhadulu zimboti kadi. Mu bilumbu bi ntinu Lemueli, nkyeto wukyedika nandi wuba nnuni’andi ‘wuzabakana va divula di tsi.’ (Zingana 31:23) Abubu mvandi babakala badi zikhadulu zimboti bansolwanga mwingi kuba bakhulutu voti minsadisi mi bakhulutu ba Kimvuka. Vayi boti dibakala dikwela wuntomba kiyeku dedi kuba nkhulutu voti nsadisi wu bakhulutu, muna nkazi’andi kafweti ba nkyeto wukyedika widi zikhadulu zimboti ayi zebi bwela myoko mu kiyeko nnuni’andi kadi. (1 Timoteo 3:4, 11) Phila bakyeto abobo, badi batu bankinzikanga kwidi banuni bawu ayi kwidi zikhomba mu kimvuka.

Nkyeto wukyedika wunsadisanga nnuni’andi mu . . .

• kukindisanga bankaka mu mambu ma kuba bomba.​—Zingana 31:26

• kumbikila thangu mwingi katadila mambu ma kimvuka.​— 1 Tesalonika 2:7, 8

• kukwangalala mu byuma bidi yawu.​—1 Timoteo 6:8

• khambu kuvula mambu ma kimvuka kakhambulu.​—1 Timoteo 2:11, 12; 1 Petelo 4:15