ZINGILA MU BUKLISTO
Baka Mayangi mu Kusamuna Tsangu Zimboti
Ngye wummonanga phasi mu kusamuna? Befu bawombo tulenda vutula ngete mu kyuvu akiki. Mu kibila mbi? Kibila khumbu zinkaka tundengananga batu bakhambu tyanga kukolukila matedi Kibibila. Voti boma bu kulongisa batu tukhambu zaba. Bukyedika, mawu momo malenda ku tutula kyunda ayi kumanisa mayangi mitu mu kisalu ki kusamuna. Vayi befu tumbwongiminanga Nzambi yi mayangi ayi nandi tidi mvandi befu tunsadila mu nyenze. (Minkunga 100:2; 1 Timoteo 1:11) Mambu mbi matatu malenda kutusadisa tuzola kisalu ki kusamuna?
Ditheti, tunsamunanga tsangu zitedi dyana. Nza tunzingila yidi batu bakhambulu dyana, vayi befu tulenda kwitu kuwesa mintima miawu mu ku balonga “tsangu zimboti.” (Yesaya 52:7) Angi zitsangu zi Kintinu ki Nzambi zilenda kutuvana befu mvitu mayangi. Diawu ava wenda kasamuna, botula thangu mwingi wuyindula lusakumunu Kintinu ki Nzambi kyala twala va ntoto.
Dimmwadi, tsangu zimboti tunsamunanga, zinsadisanga batu mu kinsunya ayi mu kiphevi. Bawu banlongukanga kubika bifu ayi mavanga mambi mwingi ba baka dyana di kuzinga mvu ka mvu. (Yesaya 48:17, 18; Loma 1:16) Tufweni yindula beni kisalu akiki tumvanganga, ki kuvukisa batu. Kheti bankaka basintya ko tuba sadisa, befu tuntatamana kutomba batu batidi kuvuka.—Matai 10:11-14.
Dintatu. tunsamuninanga mwingi tuzitisa Yave, kiawu kibila kilutidi nkinza. Ayi nandi wumvwanga beni nkinza kisalu kitu ki kuvana kimbangi. (Yesaya 43:10 Ebeleo 6:10) Mvandi, mu luzolo lwandi, nandi wutuvana phevi’andi yinlongo mwingi yi tusadisa. Tufweti dindanga kwidi Yave mwingi ka tuvana mayangi, kibila yawu khadulu yi pheve yinlongo. (Ngalatia 5:22) Mu lusalusu lwandi, tulenda nunga mambu ma tukakidila mu khambu ba kifuza ki kusamuna. (Mavanga 4:31) Diawu kheti mutu wutuveni mvutu wumbi, tuntatamana mu kiyeku kitu.—Yehezekeli 3:3.
Phila mutu mbi ngye wutidi kuba mu kisalu ki kusamuna? Bwidi wulenda bakila mayangi?
TALANU VIDEO YINTUBA VUTULA MAYANGI WUBA BO WUNYINDULA MA WUNLONGUKA, BOSI VANA MIMVUTU MI BYUVU ABIBI:
Kibila mbi kinkinza kudyanga buboti mu kiphevi, kheti twidi kifuza ki kusamuna kadika ngonda?
Mu phila mbi tulenda landikinina kifwani ki Malia?
Thangu mbi ngyewu wunyindudilanga bu kusadila Dyambu di Nzambi mu luzingu lwaku?
Mbi bi kusadisanga wuzola kusamuna tsangu zimboti?