Wuba Kubika Batatamana Kusadila Yave

Bivisa bimmonisa ti, kulongisa minsamuni mimona va thononu mwingi baba kifuza mu kisalu ki kusamuna, malenda ku basadisa baluta ba minsamuni mimbote. (Zingana 22:6; Filipi 3:16) Diawu landakana malongi amama mankwiza monisa bwidi wulenda sadisila nlonguki wu Kibibila kaba nsamuni wumbote:

• Tona kunkubika mu thangu nandi kantona kusamuna. (km  15/8 1) Nsudikisa mbote mwingi kazaba nkinza widi mu kuba kifu ki kusamunanga va khati sabala. (Filipi 1:10) Tuba mambu mambote matedi batu badi va nsengi tunsamunanga. (Filipi 4:8) Nkindisa kasamuna va kimweka na khomba mu kimvuka widi kiyeku ki kutadila matedi kisalu ki kusamuna ayi zikhomba zinkaka, mwingi kabaka ndandu ayi kalonguka mambu mankaka kwidi bawu.—Zingana 1:5; km 12/10 6 ¶3

  

• Kheti nandi mabotama, tatamana kunkindisa ayi kunlonga mu kisalu ki kusamuna, boti kameni ko ndongukulu’andi yi Kibibila mu buku “Amor de Deus.”​—km 13/12 7

  

• Vanga mbonosonu yi khambulu phasi boti widi mu kusamuna na nsamuni wumona. Ngye kukuwa mbonosonu’andi, ntonda beni mu phila kabe vangila yawu. Ayi mvana malongi malenda kunsadisa kaluta ba nsamuni wumbote.—km 10/5 7