‘Kinzika Tat’aku ayi Ngudi’aku’

Bo Yesu kaba va ntoto, nandi wutubila lutumu alulu: ‘Kinzika tat’aku ayi ngudi’aku.’ (Esodu 20:12; Matai 15:4) Yesu wuba lwaku lu kukoluka mawu, bila nandi ‘wutatamana kutumamana’ matata mandi bo kaba ditoko. (Luka 2:51 tsudukusu yi matangu.) Bo kaba nkulutu, nandi wudinda mwingi bakyeba ngudi’andi ava kafwa.​—Yoane 19:26, 27.

Mu bilumbu bitu mvandi, baklisto badi matoko, bantumamananga ayi bankolukanga na matata mawu mu lukinzu. Lutumu lu kukinzika matata mitu lwisi ko tsukulu. Kheti matata mitu bama nuna, tufweni tatamana kuba kinzika mu kubaka ndandu yi luzabu luawu. (Zingana 23:22) Tulenda kinzika matata mitu beka bakulutu mu kukyeba zitsatu ziawu mu thangu bantomba. (1 Timoteo 5:8) Kheti twidi matoko voti bakulutu, kutatamana kukolukanga na matata mitu, yidi tsabi mwingi kuba kinzika.

TALANU VIDEO YI ZIFIKULA YINTUBA BWIDI YILENDA KOLUKILA NA MATATA MAMI? BOSI VANA MIMVUTU MI BYUVU BINLANDAKANA:

• Kibila mbi wulenda mwena phasi kukoluka na matata maku?

• Bwidi ngye wulenda kinzikila matata maku bo wunkoluka yawu?

  

• Kibila mbi didi dyambu dimbote beni kuvanga mangolo mwingi wuyoluka na matata maku? (Zingana 15:22)