Matata, Luvana Bana Binu Lwaku lu Kuba Batu Balutidi va Mesu ma Yave

Matata bansadilanga Nzambi bammonanga beni mayangi kumona bana bawu badi mu kuba bisadi bikwikama bi Yave. Matata balenda kuba sadisa mu kuba vana malongi ma Kibibila mwingi ma kala mu mintima miawu tona mu bulezi. (Deutelonomi 6:7; Zingana 22:6) Mawu mantombulu kukivana? Ngete! Vayi lusakumunu mwala tambula lulutidi na mangolo mumvanga.​—3Yoane  4.

Matata balenda longuka beni mu kifwani ki Yosefi ayi Malia. Bawu ‘baba kifu ki kukwendanga mimvu myoso ku Yelusalemi mu nkungi wu Pasika,’ kheti mawu maba tombulu mangolo mawombo ayi mvandi zimbongo. (Luka 2:41) Bawu baba tulangazitsatu zi kiphevi zi dikanda diawu va ntwala. Bobuawu mvandi bubu, matata balenda sadisa bana bawu mwingi badyata mu nzila yimbote, mu kusadila mbote lwaku loso mwingi kuba longisa ayi kuba vana kifwani.​—Minkunga 127:3-5.

TALANU VIDEO BAWU BASADILA LWAKU LOSO, BOSI VANA MIMVUTU MI BYUVU BINLANDAKANA:

• Bwidi yaya Jon ayi Sharon schiller batatamana kutula zitsatu zi Kintinu va theti, kheti mu thangu baba konzula dikanda?

• Kibila mbi matata bafweti longila kadika mwana mu phila yivyakana dedi bo bwididi zitsatu zyandi?

• Bwidi matata balenda kubikila bana bawu mwingi kununga mambu malenda thota kiminu kiawu?

• Bisadulu mbi kimvuka ki Yave kimvananga ngye wunsadilanga mwingi kusadisa bana baku bayonzuka mu kiphevi?