Buela Pisuka Mu Kisalu Ki Kusamuna—Ba Wukubama Muingi Kubalula Disolo Diaku mu Mambu Mutu Kankuazukila

NKINZA MBI KUVANGA MAWU: Baklisto basolu voti bikusa ayi mameme mankaka, badi mu kutumisa batu boso muingi “batambula nlangu wu luzingu mu khambu sumba.” (Nzaikusu 22:17) Nlangu awowo, wunsundula mambu moso Yave kamvananga muingi kuvukisa batu ba kuntumukinanga mu masumu ayi lufua. Muingi kusadisa batu bankikininanga mu mambu mankaka ma binganga ayi badi bikhulu biviakana, tufueti samuna “nsamu wumboti wuka wusukanga ko” mu phila yilenda sadisila kadika mutu.—Nzaikusu 14:6.

MBI WULENDA VANGA:

• Sola ntu diambu ayi matangu ma Kibibila malenda nyikuna mabanza ma batu va kizunga kiaku. Ngie wulenda sola mbonosonu voti mambu wununga kusadila buboti. Mambu mbi ayi matangu mbi ma Kibibila batu banzolanga kutubila? Vadi tsangu yimona batu badi mu kutubila beni va kizunga kiaku? Phila mambu mbi dibakala voti nkieto kalenda vua nkinza?

• Bo wunkubama, yindula mvandi phila bamvaninanga mboti ayi bifu bi batu va kizunga kiaku. —2 Kolinto 6:3, 4

• Zaba buboti bilongulu bitu ayi zivideo tunsadilanga muingi kulonga mu diambu kukoluka na mutu bevua nkinza zitsangu zitu

• Kulula bilongulu mu zimbembo batu bankolukanga va kizunga kiaku

• Balula mambu wuntomba kukoluka na mutu mu kutadila zitsatu ziandi. (1 Kolinto 9:19-23) Dedi, mbi wulenda tuba ngie kuzaba ti mutu beki nzo befuilu mutu?

TALANU VIDEO, BOSI VANA MIMVUTU MI BIUVU BINLANDA:

• Mambu mbi nsamuni kabe tona kukoluka na mutu beki nzo?

• Mambu mbi mutu beki nzo kadi mu kumonikina?

• Matangu mbi ma Kibibila mabe fuana ayi kibila mbi?

• Buidi ngie wumbaludilanga mbonosonu’aku muingi wununga kukoluka na batu va kizunga kiaku?