“Batu Boso va Ntoto Batatamana Kukoluka Mbembu Yimueka To”

11:1-4, 6-9

Ku Babeli, Yave wuvanga batu bamanga kuntumamana batiamuka mu kubalula zimbembu ziawu. Bubu, nandi widi mu kukutikisa nkangu wunneni wu batu wu zitsi, zimbembu ayi widi mu kuba vana ‘mbembu yivedila, muingi baboso basambila dizina di Yave, mu diambu bansadila va kimueka.’ (Sefania 3:9; Nzaikusu 7:9) ‘Mbembu ayoyi yivedila,’ yinsundula kiedika kitedi Yave ayi zikhanu ziandi zidi mu Kibibila.

Kulonguka mbembu yimona, kutombuluanga ko to kuzaba mua bikuma. Vantombuluanga kulonguka phila yimona yi kuyindudila. Bobuawu mvandi, bo tunlonguka mbembu yivedila yi kiedika ki Diambu di Nzambi, mayindu mitu mvandi mambalukanga. (Loma 12:2) Mawu madi mambu tufueti tatamana kuvanganga ayi mantuadisanga kithuadi mu dikabu di Nzambi.—1 Kolinto 1:10.