Tatamana Kusalila Bilongulu bi Baboso

Kutona mu mvu 2018, tusiala bue basisa ko Kibanga ki Nsungi ki baboso mu kadika ngonda vayi tumana basisa kimueka mu zingonda zitatu. Ayi bilongulu bioso abiobio, bidi mu khati bilongulu tunsadilanga muingi kulonga. Diawu, tulenda bisadila kuitu mu kisalu ki kusamuna. Ayi tulenda nata nkadu mu bilongulu beni bo tunkuenda kuma kuidi kinanu voti bo tunkuenda ku dizandu. Befu tusalilanga ko bilongulu abiobio muingi kuvana ndongukulu yi Kibibila, vayi ziawu zilenda sadisa mutu kuba na phuila yi kubuela tomba kulonguka matedi Nzambi.

Bo tuntona kusolula na mutu, tulenda tanga yandi lutangu lumueka lu Kibibila ayi kutubila diambu dimueka didi mu levista dio mutu beni kalenda vua nkinza. Boti widi mu kukoluka na mfumu dikanda voti na mutu widi beni kiunda, ngie wulenda kunkamba: “Minu yitengi levista yimueka yimboti yintubila mambu wumviokila. Yilenda kumonisa yawu?” Ngie kumona ti mutu beni bevua mawu nkinza, buna wulenda kunkabila levista beni voti kumfila yawu mu telefoni, kheti kidi kimbangi kitheti. Kheti kuvana zilevista mu kisalu ki kusamuna masiko mawu malutidi nkinza, vayi ziawu zilenda tusadisa kubakula batu batidi kusadila mambu banlonguka.—Mavanga 13:48.

Mvu 2018

Mvu 2019

Mvu 2020