Matata, Sadisanu Bana Binu Kuba Nzayilu

Befu tunzingilanga mu nza yinlonganga ti mambi madi kuandi mamboti. (Yesaya 5:20) Kiadi ayi kiunda kuzaba ti bawombo bamvanganga mambu Yave kanlendanga, dedi babakala na babakala voti bakieto na bakieto bambundana zinyitu. Bana ba kikola balenda vukumuna matoko mitu muingi baba zikhadulu ziawu. Buidi wulenda kubikila bana baku muingi banunga ziphukumunu?

Longisa bana baku minsiku misonga mi Yave. (Levitiku 18:3) Mu kutadila phunga beka, balongisa matedi mbi Kibibila kintuba matedi kubundana zinyitu. (Deutelonomi 6:7) Wukiyuvusa: ‘Yimana longa bana bama matedi buidi bu kubakudila boti mutu wuntomba kunsimba, mayindu mambi madi yandi? Yikubalongisanga phuatulu yimboti yimmonisa lukinzu ayi buidi balenda vangila bankaka kuba kinzika? Bawu bazebi mbi bafueti vanga ba kutomba kuba monisa batu bambundana zinyitu ove ba kuba dinda bavanga mambu Yave kanlendanga?’ Ngie kuba lubula bubu, bana baku bala zaba buidi bu kutinina mambi. (Zingana 27:12; Mpovi 7:12) Mu kulongisa bana baku, ngie wummonisa ti wunzolanga kiuka akiokio Yave ka kufiatila.—Minkunga 127:3.

TALANU VIDEO TUNGA NZO YALA KADIDILA—LUBULA BANA BAKU BATINA “MAMBU MAMBI”, AYI VANANU MIMVUTU MI BIUVU BINLANDA:

• 

  Kibila mbi matata mankaka bakhambu longilanga bana bawu matedi kubundana zinyitu?

• 

  Kibila mbi matata bafueti longila bana bawu ‘mu tsembolo ayi mu malongi ma Yave’?—Efeso 6:4

• 

  Lusalusu mbi Kimvuka ki Yave kimvananga matata muingi babaka bu kulongila bana bawu matedi kubundana zinyitu?—w19.05 12, dibaya

• Kibila mbi fueti longila bana baku ava bamonikina zithotolo?