Keba Buboti Dikuela Diaku

Yave wumvuanga beni nkinza luwawanu lu dikuela. Nandi wutuba ti banuni ayi bakazi bafueti tatamana bawu babuadi. (Matai 19:5, 6) Mu dikabu di Yave, vadi bakuela bammonisanga kifuani kimboti. Vayi kheti bobo vasiko ni dikuela divedila. Bawu mvawu bambakasananga mambu. Tulendi yindula ko ti kuvasana ayi kuvonda dikuela, yawu phila yi kutinina mambu mammonika va dikuela. Buidi baklisto balenda kebila buboti makuela mawu?

1. Ba keba keba muingi wubika tsikika mayindu mu mutu wukhambu kuela yaku, kubika kutala bimona mesu voti kuta bisavu bimmonisa kitsuza muingi wubika bivisa dikuela diaku.—Matai 5:28; 2 Petelo 2:14.

2. Kindisa kinkundi kiaku na Nzambi, ayi ba makani ma kunkuangidika mu dikuela dinu.—Minkunga 97:10.

3. Tatamana kuvuata kimutu kimona ayi ba zikhadulu zimboti zilenda kuangikidika mutu wukuela yaku.—Kolosai 3:8-10, 12-14.

4. Banga lukinzu ayi solulanganu buboti. —Kolosai 4:6.

5. Monisanga luzolo lungolo kuidi mutu wukuela yaku.—1 Kolinto 7:3, 4; 10:24.

Bo baklisto bankinzinkanga dikuela diawu, bawu bankinzikanga Mvangi wu dikuela, Yave Nzambi.

TALANU VIDEO “DUMA ZITHINU MU KHAMBU VONGA”—LANDAKANA ZITHUADUSULU BO WUNDUMA, AYI VANANU MIMVUTU MI BIUVU BINLANDA:

• 

  Kheti dikuela dilenda tona buboti, mambu mbi malenda monika?

• 

  Buidi minsua mi Kibibila milenda sadisila batu badi mu kumona phasi va dikuela?

• 

  Minsiku mbi Yave kavana va dikuela?

• Muingi dikuela diba mayangi, mbi nkazi ayi nnuni bafueti vanga?