ZINGILA MU BUKLISTO
Zikhutukunu zi Mavula— Luaku lu Kumonisanga Luzolo
Kibila mbi tunzodilanga beni zikhutukunu zitu zi mavula? Dedi mu thangu yikhulu, zikhutukunu zitu zi mavula zituvananga luaku lu kubuongimina Yave va kimueka ayi bivevi na bivevi bi zikhomba zitu. Befu tunzolanga beni bidia bi kiphevi tuntambulanga muawu. Tunkuangalalanga mvandi kuviokisa thangu na dikanda ayi bakundi bitu. Diawu tumvangilanga mangolo muingi kuba mu bilumbu bia bitatu.
Bo tumbakanga luaku lu kukutakana, befu tuyindulanga ko to ndandu tunkuiza baka, vayi tunyindulanga mvandi buidi tulenda monisina luzolo kuidi bankaka. (Ngalatia 6:10; Ebeleo 10:24, 25) Bo tunzibudila bankaka muelo muingi bakota, ove tunlunda to bibuangu tunkuiza kala, befu tummonisanga ti tumvuanga nkinza bankaka. (Filipi 2:3, 4) Zikhutukunu zi mavula zituvananga luaku lu kubuela baka bakundi. Tulenda baka makani ma kusolula na mutu tukhambu zaba ava luawu lutona, mu thangu yi kudia ayi bo lummana. (2 Kolinto 6:13) Bakundi tumbakanga muawu balenda kadidila! Malutidi nkinza, bo batu bankaka bammona phila tuku bamonisina luzolo, bawu balenda baka makani ma kusadila Yave.—Yoane 13:35.
TALANU VIDEO “LUZOLO LUSUKANGA KO”! ZIKHUTUKUNU ZI ZITSI, BOSI VANANU MIMVUTU MI BIUVU BINLANDA:
Buidi zikhomba zitu bamonisina luzolo kuidi zikhomba zifumina mu zitsi zinkaka?
Kibila mbi tunkuitukilanga kumona luzolo ayi kithuadi mu dikabu di Yave?
Mambu mbi zikhomba zidi mu Dingumba Dintuadisi babe tuba matedi luzolo?
Buidi wulenda buedila mioko mu luzolo lumbanga mu zikhutukunu zi mavula
Buidi luzolo lusadisila zikhomba zitu ku Alemanha ayi ku Coreia do Sul?
Makani mbi tufueti baka?