Phulusu Tuala Baka—Tumvutula Matondo Kuidi Yave ayi Yesu

Mambu mbi ngie widi mu kuviokila? Ngie widi mfumu dikanda widi mambu mawombo ma kuvanga? Ngie widi mu kukieba bana baku ngie veka? Widi muana kikola wuntovuka, kibila batu bankotanga yaku kikola bantomba kubuisa mu kitsuza? Wisiko buvinya bumboti? Widi mu kutovuka mu kibila ki ziphasi zi bununu? Befu boso tuidi mu kuviokila mu mambu maviakana. Zikhomba ziwombo badi mu kuviokila mu ziphasi ziwombo mu khumbu mueka. Kheti bobo, tuzebi ti mu bilumbu binkuiza kuntuala, tuala baka phulusu mu ziphasi zioso.—2 Kolinto 4:16-18.

Bo tuntemina mawu mamonika, befu tumbakanga mbombolo mu kuzaba ti Yave wumvisanga ziphasi tumviokila ayi nandi wunkuangalalanga mu kumona lukuikumunu ayi mvibudulu’itu ayi nandi wala kutu sakumuna mu mawu. (Yelemia 29:11, 12) Yesu mvandi wutuvuanga nkiza. Befu kuba tumukina Yesu wutuba ti: “Minu yela ba yinu.” (Matai 28:20) Bo tumbotula thangu muingi kuyindula mu phulusu tuala baka mu nzila kintinu ki Nzambi, kivuvu kitu kiala ba kingolo ayi tuala baka makani ma kukindama mu ziphasi.—Loma 8:19-21.

TALANU VIDEO BO WUMVIOKILA MU ZIPHASI, TSIKIKA MAYINDU MAKU MU YESU!—LUSAKUMUNU KINTINU KIALA TUALA, AYI VANANU MIMVUTU MI BIUVU BINLANDA:

• Buidi batu bayiza tatukila Yave ayi mambu mbi mayiza monika?

• Lusakumunu mbi bisadi bi Yave bala tambula?

• Buidi mambu amomo malenda monikina?

• Lukanu mbi lu Yave ngie wunteminanga beni?