Sola Buboti Bakundi Baku

Mambu mamonikina kuidi basi Isaeli bo baba ku thandu yi Moabi, yidi ndubu kuidi baklisto bubu. (1 Kolinto 10:6, 8, 11) Basi Isaeli batona kuba bukundi na bakieto ba basi Moabi, bayiza bua mu kitsuza ayi mu mbuongimini yi bitumba. Mawu maba tuadisa ziphasi ziwombo.(Zintalu 25:9) Befu tuidi bazungidila na batu bansalanga yitu, bankotanga yitu kikoka, basi dikanda ditu ayi batu bankaka tuzebi bakhambu buongiminanga Yave. Mbi kinongo akiokio ki Kibibila kilenda kutulonga matedi kuba kinkundi kifikama na batu abobo?

TALANU VIDEO KIFUANI KI BATU KIDI NDUBU KUIDI BEFU BUBU—KITINI, BOSI VANANU MIMVUTU MI BIUVU BINLANDA:

• 

  Mayindu mbi mambi Zimili ayi bakundi bandi bakamba kuidi Yamini?

• 

  Buidi Pinehasi kasadisila Yamini kutadila mambu mu phila yisulama?

• Disuasana mbi didi mu kumonisa mamboti kuidi mutu wukhambulu Mbangi yi Yave ayi kuba yandi bukundi?

• Kibila mbi tufueti bela keba keba bo tunsola bakundi bitu bafikama kheti mu khati kimvuka?

• Kibila mbi tufueti bika kukolukanga na batu tukhambu zaba mu zikhondi zi mayo?