‘Bikanu Kukuazukanga’

Yave waba sadisanga biphumbulu mu thangu yikhulu. Mu bilumbu bitu, buidi nandi kansadisilanga bisadi biandi bakhambulu beni mbakulu?

• Nandi wukutulonganga kutadila zimbongo mu phila yifuana.—Luka 12:15; 1 Timoteo 6:6-8

• Nandi wutusadisanga kuyitadila mu phila yifuana.—Yobi 34:19

• Nandi wutusadisanga tubika ba bolo, ayi tubika bifu bilenda kutu tuadisa ziphasi. —Zingana 14:23; 20:1; 2 Kolinto 7:1

• Nandi wutu tuala mu kimvuka kiandi kiwedi luzolo ayi kithuadi mu nza yimvimba. —Yoane 13:35; 1 Yoane 3:17, 18

• Nandi wutuvana kivuvu.—Minkunga 9:18; Yesaya 65:21-23

Kheti mambu mambaluka mu luzingu luitu, tulendi kuazuka ko. (Yesaya 30:15) Yave wala kiebanga zitsatu zitu, befu kutatamana kutulanga Kintinu kiandi va theti mu luzingu luitu.—Matai 6:31-33.

TALANU VIDEO LUZOLO LUSUKANGA KO KHETI MU . . . BUPHUMBULU—CONGO (RDC), BOSI VANANU MIMVUTU MI BIUVU BINLANDA:

• 

  Buidi zikhomba banzingilanga mu bizunga bamvangilanga zikhutukunu zi mavula, bammonisinanga luzolo ayi banyambilanga zikhomba bankuenda kue landakana zikhutukunu beni?

• 

  Mbi video ayoyo yikutulonga matedi luzolo Yave kadi mu batu bakhambulu beni mbakulu?

• 

  Buidi tulenda landikinina kifuani ki Yave kheti tuisiko beni mbakulu?