Tatamana Kukieba Mabanza Maku

Bo tuidi bankua masumu, tunnuananga nzingu muingi mabanza mambi mabika kutuyala. Befu kuba kifu ki kuvanga moso kua mambu tutidi mu khambu landakana zithuadusulu zi Yave, tualasa baka ko lunungu va mesu ma Yave. Dedi, bawombo bambikanga bidia, mimvuatu ayi zinzo ziluta ba nkinza kena luzolo luawu mu Nzambi. Bankaka bandukisanga tsatu yi kinsuni yi kubundana nyitu mu kukhambu landakana minsiku mi Nzambi. (Loma 1:26,27) Ayi bankaka bambikanga muingi baba vukumuna muingi bavanga mambu mambi kibila bantomba kuba bazabakana va mesu ma bankaka.—Esodu 23:2.

Mbi tufueti vanga muingi kukieba mabanza mitu? Tufueti vanga mamoso tulenda nunga muingi kutsikika mayindu mitu mu mambu ma kiphevi. (Matai 4:4) Mvandi tufueti lomba kuidi Yave muingi ka tusadisa tuyala mabanza mitu. Kibila mbi tufueti vangila mawu? Kibila nandi zebi malutidi mboti mu befu ayi zebi buidi kalenda dukisila mawu mu phila yimboti.—Minkunga 145:16.

TALANU VIDEO KA WUBIKA TSUNGA YITUADISA LUZINGU LUAKU, AYI VANANU MIMVUTU MI BIUVU BINLANDA:

• 

  Kibila mbi bankaka bamvodilanga zitsunga?

• 

  Mbi bilenda kumonikina ngie kuba kifu ki kuvolanga zitsunga?

• 

  Kibila mbi kuvolanga zitsunga didi disumu?—2 Kolinto 7:1

• 

  Mbi wulenda vanga muingi wununga kifu ki kuvolanga zitsunga?