Ngie Wuntombanga Mimvutu mi Minsambu Miaku?

Mu Kibibila muidi bifuani bi batu bawombo bimmonisa ti Yave wutambudilanga minsambu. Bo bisadi bi Nzambi bamona phila Yave kayuwila minsambu miawu ayi mambu baba viokila kiminu kiawu kikindusu beni. Diawu bo tumvanga minsambu mitu veka, buboti beni kusudikisanga mambu tuntomba ayi kutomba kubakula phila Yave kantambudila miawu. Tebuka moyo ti khumbu zinkaka, mvutu wu Yave wisinkuiza bela ko mu phila tuntombila voti kalenda kutu vana bilutidi kena bio tube dinda. (2 Kolinto 12:7-9; Efeso 3:20) Mu ziphila mbi Yave kalenda tambudila minsambu mitu?

• Mu ku tuvana mangolo mu nyitu, mu mayindu ayi mu kiphevi muingi tukindama.—Filipi 4:13

• Mu ku tuvana nduenga muingi tubaka makani mamboti.—Yakobi 1:5

• Mu ku tuvana phuila ayi mangolo ma kuvanga mambu.—Filipi 2:13

• Mu ku tusadisa kuba bavumbama bo tunkuazuka.—Filipi 4:6, 7

• Mu kusadila bankaka muingi ba tukindisa. —1 Yoane 3:17, 18

• Mu kusadisa batu tunnatanga mu minsambu. —Mavanga 12:5, 11

TALANU VIDEO YAVE ‘WUNKUWANGA MINSAMBU,’ BOSI VANANU MIMVUTU MI BIUVU BINLANDA:

• Buidi kifuani ki yaya Shimizu kilenda tusadisila boti tuisi ko buvinya bumboti?

• Buidi tulenda landikinina kifuani ki yaya Shimizu?