Fiatila mu Yave bo Wumviokila mu Mambu ma Kukhambu ku Zimbongo

Luzingu mu nza ayiyi luidi beni ziphasi. Bo tuke fikamanga ku tsukulu nza ayiyi, ziphasi ziala luta buelama. Khumbu zinkaka, tulenda khambu biuma bintombulu. (Habakuki 3:16-18) Mbi bilenda ku tusadisa kutatamana kufiatila mu Yave kheti mu kukhambu ku zimbongo? Tufueti tatamana kufiatila mu Nzamb’itu, Yave. Nandi wukanikisa kukieba bisadi biandi ayi nandi kalenda dukisa zitsatu zitu mu moso kuandi mambu tumviokila.—Minkunga 37:18, 19; Ebeleo 13:5, 6.

Mbi wulenda vanga:

• Lomba kuidi Yave muingi kakuvana thuadusulu, nduenga, ayi lusalusu.—Minkunga 62:8

• Ba wukubama muingi kuvanga bisalu kheti bio wabasa vanganga ko.—g 1/10 8-9, ziquadro

• Vanga mangolo muingi wuba kiphevi kimboti mu, kutanganga Kibibila kadika kilumbu, kulandakanga zikhutukunu zi kimvuka ayi kubasikanga mu kisalu ki kusamuna

TALANU VIDEO TUNGA NZO YISIKAMA AYI YIKINDA—‘YANGALALA MU BIUMA WIDI’ BOSI VANANU MIMVUTU MI BIUVU BINLANDA:

• Mambu mbi maphasi makanda amomo baviokila?

• Diambu mbi dilutidi nkinza mu luzingu?

• Mbi tulenda vanga muingi kusadisa zikhomba bamviokila mu zitsatu?