ZINGILA MU BUKLISTU
Kindisa Kiminu Kiaku mu Diambu di Nzambi
Diambu di Nzambi dilenda balula luzingu lu mutu. (Ebeleo 4:12) Vayi muingi tubaka ndandu mu thuadusulu, malongi ayi tsembolo yidi mu diambu di Nzambi, befu tufueti ba lufiatu ti Kibibila kidi “Diambu di Nzambi.” (1 Tesalonika 2:13) Buidi tulenda kindisila kiminu kitu mu Kibibila?
Tanganga Kibibila kadika kilumbu. Bo wuntanga Kibibila, tomba bivisa bimmonisa ti Yave nandi vuidi kiawu. Dedi, fiongunina malongi madi mu buku yi Zingana ayi sadilanga malongi beni mu luzingu luaku.—Zingana 13:20; 14:30.
Vanganga ndongukulu yi Kibibila. Zaba buboti bivisa bimmonisa ti Kibibila kidi diambu di Nzambi. Mu Guia de Pesquisa das Testemunhas de Jeová, kota vantuba “A Biblía” bosi “Inspirada por Deus.” Mvandi ngie wulenda kindisa kiminu kiaku ti zitsangu zidi mu Kibibila zisa baluka ko, mu kutala mambu madi mu Apêndice A3 mu Tradução do Novo Mundo.
TALANU VIDEO KIBILA MBI TUIDIDI KIMINU MU . . . DIAMBU DI NZAMBI, BOSI VANANU MIMVUTU MI BIUVU BINLANDA:
Buidi mambu babakula mu bibaka bi tempelo yi Karnak, ku Ngipiti, mammonisina ti Kibibila kintubanga kiedika?
Mbi bituvana lufiatu ti basa balula ko mambu madi mu Kibibila?
Mbi tulenda longuka mu kuzaba ti, Kibibila kitatamana nati mu bilumbu bitu?—Tanga Yesaya 40:8