ZINGILA MU BUKLISTU

Sadisa Batu Bakhambu Sambilanga, Bazaba Mvangi’awu

Ngie wumana mona dibamu mu kuvana kimbangi kuidi mutu wukhambu sambilanga, mu kuyindula ti nandi kasinkuiza kikinina ko? Boti ngete, buna tebuka moyo ti bawombo mu batu abobo—kubunda mvandi bo baba khambu kikininanga mu Nzambi—bayiza ba Zimbangi zi Yave. Khumbu ziwombo diambu to bawu bantombanga, kubaka mutu wuba sadisa kufiongunina mua bivisa bimmonisa ti Nzambi widi.—Loma 1:20; 10:14.

TALANU VIDEO—KUNA KIMINU MU KUYINDULA BIFUANI BI BATU BAKHAMBU BA KIMINU! —BATU BANKHAMBULU BINGANGA, AYI VANANU MVUTU WU KIUVU KINLANDA:

Buidi kifuani ki Tommaso kibe kusadisila kuba mayindu mafuana, mu matedi kuvana kimbangi kuidi batu bakhambu sambilanga?

Mvutu’aku

Buidi bu kuvangila mawu?

Boti mutu wuntuba ti kakikininanga ko mu Nzambi, monisa luzolo, yolukila yandi mu diela ayi monisa ti wumvua nkinza mabanza ayi mayindu mandi mu matedi diambu adiodio. (2 Timo. 2:24) Tubila mambu mo nandi kalenda vua beni nkinza. Nandi widi wukubama muingi mutubila bivisa bivanga batu bawombo kukikinina ti vadi Mvangi? Boti ngete, buna sadila bilongulu ayi zivideo bakubika muingi kusadisa batu ba phila ayoyo. Mua buku A Vida Teve um Criador? ayi A Origem da Vida—Cinco Perguntas que Merecem Respostas, babuelizi biawu mu Khati Bilongulu Tunsadilanga Muingi Kulonga muingi kufika bakula biawu.

Va thonono, ngie wulenda mona boma kutubila matedi kiedika, kuidi mutu wukhambu kikininanga mu Nzambi. Boti boma widi, kibila mbi wukhambu dindila lusadusu kuidi khomba wupisuka? Tebuka mvandi moyo ti, Yave kalenda tusadisa kunyikuna mintima mi batu badi bakubama—kheti va thonono batu beni basinkikinina ko ti Nzambi widi.—Mava. 13:48