19-25 NGONDA YIMMUADI

MINKUNGA 8-10

Nkunga 2 ayi Nsambu | Tubila Mambu Tuanlonguka (min. 1)

KIUKA KIDI MU DIAMBU DI NZAMBI

1. “Ah Yave, Minu Yala Kuzitisa.”

(10 min.)

Yave wu tumonisanga mamboti malutidi (Minku. 8:3-6; w21.08 3 ¶6)

Tunzitisanga Yave mu ntima woso mu kutubila mamboti mandi kuidi bankaka (Minku. 9:1; w20.05 23 ¶10)

Mvandi tu kunzitisanga mu kunkuimbidila minkunga mu ntima woso (Minku. 9:2; w22.04 7 ¶13)

Ndadasana yi zifoto: Ziphila tulenda zitisila Yave. 1. Khomba yinkietu weka kiboba wumvana kimbangi kuidi mfelimi’andi. 2. Zikhomba banyola mu lukutukunu. 3. Muana mueka wunnanguna koko muingi kuvana mvutu mu lukutukunu. 4. Ditoko dimueka wunsadisa kudiodisa Nzo yi Kintinu. 5. Khomba yinkietu wumvana kimbangi kuidi mutu wunkotanga yandi kikola.

WUKIYUVUSA: ‘Mu ziphila mbi zinkaka yilenda zitisila Yave?’

2. Kiuka Kisuama

(10 min.)

Miku. 8:3—Mbi binsundula bikuma ‘zinzala zi Nzambi’ nsoniki wu nkunga awowo katubila? (it-1 678 ¶12)

Mvutu’aku
Ndandu mbi wubeki mu matangu ma Kibibila ma sabala ayiyi wutidi kutubila?

Mvutu’aku

3. Matangu ma Kibibila

(min. 4) Minku. 10:1-18 (th dilongi 11)

PISUKA MU KISALU KI KUSAMUNA

4. Kutona Masolo

(min. 3) MU NZO KA NZO. Mutu wubeki nzo wu kukamba ti nandi kakikininanga ko ti vadi Nzambi. (lmd dilongi 5 kinduika 4)

5. Kutatamana Disolo

(min. 4) KIMBANGI MU KHAMBU BA MU KISALU KI KUSAMUNA. Mu khumbu yitheti muyoluka, nandi wu kukamba ti kakikininanga ko ti Nzambi widi vayi widi wukubama muingi kufiongunina bivisa bimmonisa ti vadi Mvangi. (th dilongi 7)

6. Dilongi

(min. 5) w21.06 6-7 ¶15-18—Ntu Diambu: Sadisa Minlonguki Miaku mi Kibibila Kuzitisa Yave. (th dilongi 10)

ZINGILA MU BUKLISTU

Nkunga 10

7. Buidi bu Kuvanina Kimbangi mu Khambu ba mu kisalu ki Kusamuna mu Khambu Kuika Batu Bayuwa?

(10 min.) Disolo.

Phila yimueka tulenda buela zitisila Yave yidi mu kuvana kimbangi kheti tuisi ko mu kisalu ki kusamuna ayi tumvanga bisalu bitu bi lumbu ka lumbu. (Miku. 35:28) Va thonono, tulenda ba mu boma muingi kuvanga mawu. Vayi befu kulonguka buidi mu kuvanina kimbangi kheti tuisi ko mu kisalu ki kusamuna ayi kutatamana kuvanga mawu, tulenda ba bapisuka ayi kuzola phila ayoyo yi kusamunina.

Zifoto zibongulu mu video “Ba Wukubama Muingi Kuzabikisa “Zitsangu Zimbote zi Ndembama”—⁠Tuama Ntuala.” Khomba yinkietu wuntona masolo na nkietu widi wukala va mesa va khonzu’andi ku restaurante.

Talanu VIDEO Ba Wukubama Muingi Kuzabikisa “Zitsangu Zimbote zi Ndembama”—Tuama Ntuala. Bosi yuvula zikhomba:

Mbi belonguka mu video ayoyo yilenda kusadisa kubuela pisuka mu kuvana kimbangi kheti wisi ko mu kisalu ki kusamuna?

Mvutu’aku

Mambu manlanda malenda kusadisa kutona masolo:

Bo wumbasika ku nzo, ba wukubama muingi kutona masolo, sambila matedi mambu beni ayi dinda kuidi Yave muingi ka kusadisa kubakula batu badi mintima mikubama.
Ba wuyangalala ayi mvua nkinza batu bankoluka yaku. Tomba kuzaba mambu bawu bamvuanga nkinza muingi wuzaba kiedika mbi ki Kibibila balenda zola
Boti kuba, ndinda thalu’andi yi telefoni voti tomba kuzaba buidi mulenda tatiminina masolo
Bika kuba mu kiunda boti masolo beni ma kumana ava wuvana kimbangi
Kheti bo masolo mammana, tatamana kuyindula mu mutu beni. Monisa ti wu kumvuanga nkinza mu kumfilanga link yi matangu ma Kibibila voti malongi madi mu jw.org

Tomba kuvanga mambu amama: Mutu na kukukuvula: ‘Buidi beviokisila tsuka sabala?,’ Buna nzabikisa mambu wulongukidi mu lukutukunu voti mabu wuvengi mu kisalu ki kusamuna.

8. Zitsatu zi Kimvuka

(min. 5)

9. Ndongukulu yi Kibibila mu Kimvuka

(30 min.) bt kapu 6 ¶1-8, ayi thonono kikhuku 2