14-20 NGONDA YINNA

ZINGANA 9

Nkunga 56 ayi Nsambu | Tubila Mambu Tuanlonguka (min. 1)

KIUKA KIDI MU DIAMBU DI NZAMBI

1. Ba Mutu wu Nduenga

(10 min.)

Mutu wukhambulu nduenga kayuwanga ko malongi ayi wumfueminanga mutu wu kumvana malongi (Zinga. 9:7, 8a; w22.02 9 ¶4)

Mutu wu nduenga wunkikininanga malongi ayi wunkinzikanga no wu kumvana malongi(Zinga. 9:8b, 9; w22.02 12 ¶12-14; w01 15/5 30 ¶1-2)

Mutu wu nduenga wala baka ndandu vayi no wukhambulu nduenga wala tovuka (Zinga. 9:12; w01 15/5 30 ¶5)

Khomba yi kikhupa nkuwa malongi ma khomba yima nuna bo bandia ku restaurante.

2. Kiuka Kisuama

(10 min.)

Zinga. 9:17—Mbi biobio ‘nlangu wuyibu’ ayi kibila mbi wididi ‘lueki’? (w06 15/9 17 ¶5)

Mvutu’aku
Ndandu mbi wubeki mu matangu ma Kibibila ma sabala ayiyi wutidi kutubila?

Mvutu’aku

3. Matangu ma Kibibila

(min. 4) Zinga. 9:1-18 (th dilongi 5)

PISUKA MU KISALU KI KUSAMUNA

4. Kutatamana Masolo

(min. 4) MU NZO KA NZO. Mutu betumisa bemonika mu Mbambukulu Moyo. (lmd dilongi 8 kinduika 3)

5. Kutatamana Masolo

(min. 4) MU KIBUANGU KIMVIOKILANGA BENI BATU. Sadisa mutu kubakula kibuangu kinkuiza vangimina Mbambukulu Moyo vo kankalanga. (lmd dilongi 7 kinduika 4)

6. Kutatamana Masolo

(min. 4) KIMBANGI MU KHAMBU BA MU KISALU KI KUSAMUNA. Mu kilumbu wuyoluka na musi dikanda diaku, ngie wununga kunsadisa kubakula kibuangu kinkuiza vangimina Mbambukulu Moyo. (lmd dilongi 8 kinduika 4)

ZINGILA MU BUKLISTU

Nkunga 84

7. Bukiedika ti Biyeku Widi Bimmonisa ti Ngie Wulutidi Luvalu Kena Bankaka?

(15 min.) Disolo.

Talanu VIDEO. Bosi yuvula zikhomba:

Mbi kikuma ‘kiyeku’ kinsundula?

Mvutu’aku
Buidi zikhomba badi biyeku mu Kimvuka bafueti kuyitadila?

Mvutu’aku
Kibila mbi kukivana muingi kusadila bankaka, kulutidi kena kutambula kimfumu?

Mvutu’aku

8. Ndongukulu yi Kibibila mu Kimvuka

(30 min.) bt kapu 25 ¶5-7, quadro va tsielu 200