Ngie Widi Kiminu?

Muingi kukuangidika Yave, tufueti ba kiminu. Vayi, “bakana ko batu boso badi kiminu.” (2 Tesa. 3:2) Bo mvuala Polo katuba mambu amomo, nandi waba kamba mawu ‘kuidi batu baba mavanga mambi ayi baba kuntuadisanga ziphasi.’ Vayi mambu katuba matedi kiminu, tulenda visila mawu mu ziphila ziwombo. Batu bankaka bakikininanga ko ti vadi Mvangi—Nzambi. (Loma 1:20) Bankaka balenda tuba ti bankikininanga ti vadi mutu wumueka wulutidi mangolo kena baboso. Vayi akiokio kisi ko kiawu kiminu kifuana muingi kukuangidika Yave.

Tufueti ba lufiatu ti Yave widi ayi nandi wunsakumunanga baboso badi kiminu kingolo mu nandi. (Ebe. 11:6) Kiminu kidi mu khati mbutu wu phevi. Didi diambu dimboti kusambilanga kuidi Yave muingi tutambula phevi yinlongo. (Luka 11:​9, 10, 13) Phila yimueka tulenda tambudila phevi yi Yave yidi, mu kutanganga Diambu Diandi. Bosi, Tufueti botulanga thangu muingi kuyindula mu mambu tuntanga ayi kuvanga mangolo muingi kusadila mambu tunlonguka. Mu phila ayoyo, phevi yi Yave yala tusadisa mu luzingu ayi kutu sadisa kubaka kiminu kintombulu muingi kunkuangidika.