Tsyelo Yidi Mintu Mi Malongi

Mbi tulenda vanga befu kumona ti ziphasi zitu zima luta? Mu dilongi adidi, tunkwiza tubila matedi matangu ma mvu 2018. Tunkwiza longuka kibila mbi tuntombilanga mangolo ma Yave ayi bwidi nandi kala tuvanina mawu.

Mu mvu awuwu, nkungi wu Mbambukulu Moyo Lufwa lu Yesu, wala vangimina mu Kisabala, Ngonda Yintatu, mu Kilumbu 31, mvu 2018. Bwidi tulenda kubimina mu nkungi beni? Ndandu mbi twala baka mu kumonika kuna? Ayi bwidi Mbambukulu Moyo yinsadisilanga dikabu di Nzambi dibwela ba kithwadi mu nza yimvimba? Tunkwiza baka mimvutu mi byuvu abibi mu dilongi adidi.

Bima byoso twidi kwidi Yave bifumina. Vayi nandi wutuvananga lwaku lu kubwe kunkabila biawu mu kusadila bima byoso twidi mwingi kubwela myoko kimvuka kyandi. Mu kibila mbi? Ndandu mbi tulenda baka mu kuzitisa Yave mu byuma bitu bi nkinza? Tunkwiza tubila byuvu abibi mu dilongi adidi.

Mu malongi mamwadi manlanda, dilongi ditheti dinkwiza tubila bwidi tulenda bakila mayangi makyedika mu kuzola Nzambi, angi kubika kwandi mu kuba bwimi bwidi mu batu mu “bilumbu bi tsuka.” (2 Timoteo 3:1) Dilongi dimwadi, dinsudikisa bwidi Zimbangi zi Yave badidi diswasana na batu bankaka bubu.