Tsangu yi Kibibila

Wikhambulu Pauta

Yave Nzambi widi nsua wu kuyala. Kibila phil’andi yi kuyadila yawu yilutidi. Lukanu luandi lutedi ntoto ayi batu luala salama.

Adami ayi Eva badi ku Lumbu lu Edeni na nyoka va khonzu’awu.

Bo mvu 4026 A.T.K. wuvioka

“Nyoka” yifiesa Yave mu nsua kadi wu kuyala. Yave wukanikisa “nkunu” wala kofikisa ntu wu nyoka, yinsundula Satana. (Ngenesi 3:1-5, 15) Vayi, Yave wubikila thangu muingi batu ba kiyala baveka mu thuadusulu yi satana.

Abalahami wunkuwa mambu Nzambi ka kunkanikisa.

Mvu 1943 A.T.K.

Yave wukamba Abalahami ti mu nkunu’andi muawu muala kuizila Mesia.—Ngenesi 22:18.

Bo mvu 1070 A.T.K. wuvioka

Yave wukanikisa ntinu Davidi ayi buviokila thangu wubue kanikisa Salomo ti, Mesia wunkuizila mu nkunu’awu.—2 Samueli 7:12, 16; 1 Mintinu 9:3-5; Yesaya 9:6, 7.

Mvu 29 T.K.

Yave wuzabikisa ti Yesu nandi “nkunu” ka kanikisa ayi wala kumvana kikundu kimfumu ki luyalu ki ntinu Davidi.—Ngalatia 3:16; Luka 1:31-33; 3:21, 22.

Mvu 33 T.K.

Nyoka, yinsundula Satana, wutebila va kikodi ki “nkunu” bakanikisa, bo katuadisa lufua lu Yesu. Yave wuvulubusa Yesu muingi kavutuka kubue zingila ku diyilu ayi wukikinina khudulu yi luzingu luandi lu vedila. Mu phila ayoyo, wuvana luaku kuidi nkunu wu Adami muingi babaka nlemvu wu masumu ayi luzingu lu mvu ka mvu.—Ngenesi 3:15; Mavanga 2:32-36; 1 Kolinto 15:21, 22.

Nyoka, yinsundula Satana, banloza va ntoto dedi bo babikudila mu buku yi Nzaikusu.

Mvu 1914 T.K.

Yesu wukuba va ntoto nyoka, yinsundula Satana ayi nandi zebi ti mua thangu to yi kunkhambu.—Nzaikusu 12:7-9, 12.

Yesu widi ku kintinu ki diyilu ayi wunyadila nza yoso dedi bo babikudila mu buku yi Nzaikusu.

Bilumbu Binkuiza

Yesu wala buila Satana ayi kunkanga mu 1.000 di mimvu, bosi, wala kuntulula dedi bo babikula ti wala kunkofikisa ntu. Lukanu lu Yave lutedi ntoto ayi batu luala salama, dizina diandi diala ba di diodila ayi nandi to wala yala.—Nzaikusu 20:1-3, 10; 21:3, 4.