Khuka Milangu Yiyi Neni—Nani wu Yuwa’e? Nani wu Khambu Kuwa’e?

Mu thangu Nowa mambi ma bwelama mu batu. Gênesis 6:5

Adami ayi Eva ba buta bana, ayi batu ba yiza ba bawombu va n’totu. Ku n’tuala, zimbasi zi n’kaka ba landakana matingu ma Satana.

Ba yiza va n’totu ayi ba vuata zi nyitu zi kinsuni diawu bakuedila bakhietu. Bakhietu ba yiza buta bana banangama beni, ba ngolu zi wombu ayi bu phunya.

Nza yi yiza wala batu baba vanganga ma mambi. Kibibila kiǹtuba ti ‘mambi ma bwelama mu bantu va ǹtoto wonso ayi mayindu monso ma mintima myawu ma ba mu kuvanga mambi ntangu zyonso.’

Nowa wu yuwa Nzambi ayi wu tunga nzaza. Gênesis 6:13, 14, 18, 19, 22

Nowa wu ba mutu wu mboti.Yave wu kamba Nowa ti wala vonda batu ba mbi mu khuka milangu yiyi neni.

Nzambi n’vandi wu kamba Nowa ka tunga dikumbi didi neni, di ba yiza tedila nzaza, ayi ka kotisa dikanda diandi ayi mitindu miosu mi bibulu.

Nowa wu lubula batu mu matedi Khuka milangu beni, angi ba manga ku n’kuwa. Ba mueka ba n’seva; ba n’kaka ba n’lenda.

Buna nzaza yi mana, Nowa wu kotisa bibulu mu khati.