MALONGI 26

Bwidi Tulenda Kyebila Zinzo Zitu zi Kiǹtinu?

Zimbangi zi Yave badi mu kubwongisa Nzo’awu yi Kintinu ku Estónia — Tsi yi Estonia

Zimbangi zi Yave badi mu kubwongisa Nzo’awu yi Kintiu ku Zimbabué — Tsi yi Zimbabué

Mbangi mweka wu Yave wunludika Nzo yi Kintinu ku Mongólia — Tsi yi Mongólia

Mbangi mweka wu Yave widi mu kutula ndimbu mu Nzo yi Kintinu ku Porto Rico — Tsi yi Porto Rico

Zinzo zyoso zi Kiǹtinu zi Zimbangi zi Yave, ziǹzitisanga dizina dilongo di Nzambi. Diawu, khini tuḿmonanga ku dyodisanga ayi kuludikanga ziawu bumboti. Baboso, balenda sala mwingi kudyodisa ziawu.

VVa tsuka zikhutukunu bwela myoko mu kudyodisa. Va tsuka zikhutukunu zyoso, zinkomba zi babakala ayi zi bankyeto baǹkombulanga Nzo yi Kiǹtinu mu ǹswalu. Nkumbu yimweka mu lumingu Tuǹdyodisanga nzo yoso. Ǹkulutu wu mweka wu Kimvuka ove Ǹsadisi, baǹtwadisanga kisalu beni. Mutu ka mutu wulenda sala boso bu ka tididi, kukombula, vyokisa kitendi mu bikundu, mu zinela, kuloza tsodo, kyeba biteka ayi ǹlumbu. Tufweti vanga mawu ǹtulu wu mweka mu ḿvu. Kumonikanga mu bisalu beni ku Nzo yi Kiǹtinu, kuǹsadisanga bana balezi ba kinzika yawu.—Mpovi 5:1.

Wukivana mu kisalu ki kubongisa. Mu ḿvu, baǹkengidilanga Nzo yi Kiǹtinu bo yididi mu khati ayi mu bibaka. Mfyongununu beni yiǹsadisanga Nzo yi Kiǹtinu yi ba yimboti. (2 Lusansu 24:13; 34:10) Nzo yi Kiǹtinu yi dyodila ayi yimboti, yawu yi fwana mu kubwongimina Nzamb’itu. Kumonikanga mu bisalu beni, mbonosonu yi luzolo lwitu mu Yave ayi va bwangu tu kuḿbwongiminanga. (Minkunga 122:1) Diawu, dilenda vanga batu baǹkaka ba zitisa Yave.—2 Kolinto 6:3.

Kibila mbi tufweti dyodisilanga Nzo yi Kiǹtinu?
Mbi biḿvangamanga mwingi kubika Nzo yi Kiǹtinu yi dyodila?