Bukyedika kwandi ti bafwa balenda bwe zinga?

MBI KIBIBILA KINLONGANGA

“Kwala ba luvulubukusu.”—Mavanga 24:15, Tradução do Novo Mundo.

TSUNDU MBI MADI KWIDI NGYEWU

Mbombolu ti mutu wunzolanga fwidi.—2 Kolinto 1:3, 4.

Kimpwanza mu boma bu lufwa.—Ebelewo 2:15.

Dyana di tsikama di ku bwe dengana na ba tunzolanga bafwa.—Yoane 5:28, 29.

BUKYEDIKA KWANDI TI TULENDA TELA MANA MU MAǸTUBA KIBIBILA?

Ngete, twidi na bibila bitatu:

• Nzambi nandi mvangi luzingu. Kibibila kintedila Yave Nzambi “nto luzingu.” (Minkunga 36:9; Mavanga 17:24, 25) Bu kadi ti nandi mvananga luzingu kwidi bivangu byabyo bidi monyo, nandi kaka widi mangolu ma kuvutula luzingu kwidi mutu mana fwa.

• Nzambi wuvulubukisa batu mu ntangu ntama. Kibibila ki tukamba ti dinana dibatu bavulubukusu va ǹtotu—bantweni, bankulutu, babakala, ayi bankyetu—. Bankaka basa kala ko ǹkulu mu lufwa, vay wumweka wukala bilumbu bi ǹna mu dibumba!—Yoane 11:39-44.

• Nzambi widi na mpwila yi ku bwe vulubukisa bafwa. Nzambi wunlendanga lufwa; wu kulumwenanga buka mbeni. (1 Kolinto 15:26) Tidi kunwanisa ayi nunga mbeni beni mu nzila luvulubukusu. Wala vulubukisa badi mu kilunzi kyandi ba bwe zinga va ǹtotu.—Yobi 14:14, 15.