Thonono yi Kikhuku 12

Yesu wulongisa batu matedi Kintinu ki Nzambi. Nandi wulonga mvandi batu phila bafweti sambidila ayi wutuba ti tufweti dindanga (1) dizina di Nzambi diba dinlongo, (2) Kintinu ki Nzambi kiza ayi (3) lukanu lu Nzambi luvangama va ntoto. Sudikisa mwan’aku kazaba kibila mbi nsambu wu Yesu wididi luvalu. Satana wuthota Yesu vayi nandi wukwikama kwidi Yave. Yesu wusola bapostolo ayi bawu baba batheti mu Kintinu. Ti ngyewu widi tata voti ngudi, sadisa mwan’aku kamona bwidi Yesu kaba zodilanga mbwongimini yi kyedika. Nandi waba tombanga kusadisa batu. Diawu kabelusila zimbevo, kadikila baba nzala ayi wuvulubusa bafwa. Mu mangitukulu amomo, Yesu wumonisa mbi Kintinu ki Nzambi kyela vanga mu nza yoso.