Buku yi Nzambi—Kiuka

1. Vadi buku yi tuvananga diana,

Mayangi, ndembama mu nza yoso.

Bila muidi mayindu ma luzolo

Maḿbotula badi “kukitombi.”

Kibibila zina di buku beni

Yisonimina mu phevi Nzambi,

Mu nzila sadi biandi bikuikama,

Batuadusu mu lulendo luandi.

2. Basonika kiedika ki bivangu

Bimmonisa lulendo lu Yave.

Ayi bubela luzingu lu batu

Na buidi disumu dikotila.

Bavukumuka bo balanda mbasi

Yifiesa Nzambi nkua nduenga yoso.

Diawu tusumukinina, tumfuilanga;

Vayi Yave wufila mvulusi.

3. Tuanzingila mu thangu yi mayangi:

Bila muana Yave weka Ntinu.

Diawu tulonga tsangu zi Kintinu

Muingi diana diba mu baboso.

Mu buku beni muawu musonama

Tsangu zimboti ziḿbomba batu;

Zimvananga luvovomu mu ntima,

Muidi kiuka ki tufueti tomba.