DILONGI 1

Thononu Yimboti

Mavanga 17:22

DILONGI: Phila wuntonina dilongi yifweti sadisa batu kuvwa nkinza, kuzabikisa mambu wunkwiza yoluka, ayi kumonisa kibila mbi mambu beni madidi nkinza kwidi bawu.

MBI WULENDA VANGA:

Sadisa batu kuvwa nkinza. Sola buboti kyuvu, mambu wunkoluka, bifwani bikyedika bi luzingu, voti zitsangu batu balenda vwa nkinza.

Bo wunkubama, yindula buboti mambu batu ba kukuwa bamvwa nkinza, mambu ma kuba kwazukila ayi sadila mawu mu dilongi dyaku.
Zabikisa mambu wunkwiza yoluka. Tomba kuzaba ti phila wuntonina dilongi dyaku, yilenda zabikisa mambu wunkwiza longa ayi nkinza madi kwidi batu ba kukuwa.
Monisa kibila mbi mambu beni madidi nkinza. Natina mambu wuntuba mu zitsatu zi batu ba kukuwa. Bawu bafweti visa buboti bwidi dilongi dyaku dilenda kuba sadisila mu luzingu luawu.

Bo wunkubika dilongi, wuyiyuvusa, ‘Mambu mbi zikhomba mu kimvuka badi mu kuvyokila?’ Bosi kubika thononu yi dilongi dyaku mwingi kuba sadisa mu zitsatu ziawu.