Ziphila Wulenda Buedila Mioko Kimvuka ki Yave

Mu nza yimvimba muidi batu bansadilanga Yave mu bivevi na bivevi bi bimvuka. Bawu bamvutulanga matondo mu kutambula zithuadusulu ayi mu kubuela mioko kimvuka mu ziphila ziwombo. Buawu mvaku wummuenanga?

1. Mu ziphila mbi wulenda kukivanina muingi kubuela mioko kimvuka?

Befu boso tulenda buela mioko muingi kusadisa kimvuka. Dedi, mu kimvuka kiaku muidi khomba weka kiboba voti widi mu kubela? Wulenda basadisa muingi benda mu lukutukunu? Voti wulenda kubasadisa kusumba bidia voti kuludika nzo’awu? (Tanga Yakobi 1:27.) Ngie mvaku wulenda kukivana muingi kusadisa kudiodisa nzo yi Kintinu. Ba tukuikanga ko kuvanga mawu. Luzolo luitu mu Yave ayi mu zikhomba lutu natanga “kukivana mu khambu lukuiku.”—Minkunga 110:3.

Zimbangi zioso zi Yave balenda vanga mangolo muingi kusadisa kimvuka mu ziphila zinkaka. Zikhomba zi babakala bayonzuka mu kiphevi balenda tambula kiyeku ki kuba minsadisi mi

bakulutu voti bakulutu ba kimvuka.Mvandi zi khomba zi babakala ayi zi bakieto balenda buela mioko kisalu ki kusamuna mu kuba minsadisi mi mintuami tuala voti mintuami tuala. Bankaka, balenda buela mioko mu kisalu ki kutunga zinzo zi Kintinu, kubaluka mu bimvuka bidi beni tsatu voti mu ziphila zinkaka.

2. Buidi tulenda sadila biuma bitu bi luvalu muingi kubuela mioko kimvuka ki Yave?

Befu tulenda “zitisa Yave mu biuma [bitu] bi luvalu.” (Zingana 3:9) Befu tumbanga mu mayangi bo tumvananga minkhayilu mitu muingi kusadisa kimvuka kitu ayi kisalu ki kusamuna mu nza yimvimba. (Tanga 2 Kolinto 9:7.) Minkhayilu mitu milenda sadisa zikhomba bamviokila mu bivuka. Bawombo mu befu tumbakanga makani mu kadika ngonda, “kutula va khonzo mua minkhayilu”. (Tanga 1 Kolinto 16:2.) Tulenda  vanina minkhayilu mitu mu mua zikasu zidi ku Nzo yi Kintinu voti mu donate jw.org. Yave wu tuvana luaku lu kumonisa luzolo tuidi mu nandi mu kusola kumvana biuma bitu bi luvalu.

BUELA LONGUKA

3. Tulenda kabila Yave biuma bitu bi luvalu

Yave ayi Yesu banzolanga batu bamvananga mu khambu lukuiku. Dedi, Yesu wutubila matedi mfuizi wumueka wukhambu ba mbakulu, vayi kheti bobo wuvana mua minkhayilu. Tanga Luka 21:1-4, bosi tubilanu biuvu binlanda:

• Bukiedika ti muingi kuyangidika Yave buna tufueti vana to minkhayilu miwombo?

• Buidi Yave ayi Yesu bammuenanga minkhayilu tumvaninanga mu ntima woso?

Muingi wuzaba buidi bansadilanga minkhayilu mitu, tala VIDEO bosi tubilanu kiuvu kinlanda.

VIDEO: “Nkhayilu Muingi Kutambika Yave’’ (4:47)

• Buidi tunsadilanga minkhayilu mitu muingi kutuadisa ndandu bimvuka bioso mu nza yimvimba?

4. Tulenda kukivana muingi kusadisa

Mu thangu yikhulu, bisadi bi Yave baba vanganga mangolo muingi kutunga ayi kukieba bibuangu baba buongiminanga Yave. Vayi vaba tombulu kuvananga minkhayilu ayi biuma binkaka. Tanga 2 Lusansu 34:9-11, bosi tubilanu kiuvu kinlanda:

• Buidi dikabu dioso di basi Isaeli babuedila mioko muingi kukieba nzo yinlongo baba buongiminanga Yave?

Muingi wumona buidi Zimbangi zi Yave banlandikininanga kifuani kiawu, tala VIDEO. Bosi tubilanu biuvu binlanda.

VIDEO: Tunkiebanga Buboti Vama Tumbuongiminaga Yave (3:31)

• Kibila mbi didi diambu dinkinza kudiodisanga ayi kukieba Nzo yi Kintinu?

• Mu ziphila mbi wulenda vangila mawu?

5. Vantombulu mangolo muingi kutambula biyeku

Kibibila kintuba ti muingi zikhomba zi babakala batambula biyeku, bafueti vanganga mangolo. Muingi wumona kifuani kimueka, tala VIDEO. Bosi tubilanu kiuvu kinlanda.

VIDEO: Zikhomba—Sadilanu Yave (5:19)

• Mu video tube mona, buidi Rayi kabakudila ziphila zilutidi kafueti buedila mioko kimvuka?

Kibibila kimmonisa zikhadulu zikhomba bafueti kuna muingi baba minsadisi mi bakulutu voti bakulutu ba kimvuka. Tanga 1 Timoteo 3:1-13, bosi tubilanu biuvu binlanda:

• Zikhadulu mbi zikhomba bantomba kutambula kiyeku ki minsadisi mi bakulutu voti bakulutu ba kimvuka bafueti kuna?

• Buidi bafueti kiebila makanda mawu? —Tala matangu 4 ayi 11.

• Bo khomba kamvanga mangolo muingi kutambula biyeku, buidi baboso mu kimvuka bambakilanga ndandu?

MBI NGIE BELONGUKA

Yave wumvuanga beni nkinza bo tumvana thangu’itu, mangolo ayi minkhayilu mitu muingi kubuela mioko, bisalu bioso bimvangamanga mu kimvuka kiandi.

Vutukila Mambu Mamfunu

• Buidi tulenda sadila thangu’itu ayi mangolo mitu muingi kusadisa kimvuka?

• Buidi tulenda sadila biuma bitu bi luvalu muingi kusadisa kimvuka?

• Mu ziphila mbi wulenda buedila mioko kimvuka?

TALA MAMBU MANKAKA

Mona kibila mbi Nzambi kasiala bue dindilanga ko muingi bisadi biandi bavananga zidizimu.

“Mbi Kibibila Kintuba Matedi Kuvana Zidizimu?” (Dilongi didi mu jw.org)

Mu Kibibila muidi mua biyeku bavana kuidi babakala babotama. Vayi, abu boti vasiko ko khomba wu dibakala ayi vantombulu khomba yinkietu kakieba biyeku beni?

Visa Nsiku wu Kimfumu Yave Katsikika” (Kibanga ki Nsungi, Ngonda Yimuadi, mvu, 2021)

Mona mangolo mbi zikhomba baba vanganga muingi kunata bilongulu kuidi zikhomba zinkaka.

Bilongulu Bimvitila mu Mala Moso ma Kongo (4:25)

Mona disuasana mbi tuidi na binganga binkaka mu phila tunsadilanga minkhayilu.

“Kuidi Zimbangi zi Yave Bambakilanga Zimbongo Bamvangilanga Bisalu mu Kimvuka?” (Dilongi didi mu jw.org)