Bwidi Wulenda Vanina Mvutu Wumboti

Mvutu wumboti be kubika, wulenda kindisa zikhomba mu kimvuka. (Loma 14:19) Voti wulenda kukindisa ngye feka. (Zingana 15:23, 28) Diawu bo tunkwenda mu zikhutukunu zi kimvuka, tufweti tombanga kuvana kheti mvutu wumweka mu kadika lukutukunu. Vayi, fweti zaba ti yisi ko khumbu zyoso wunangunina koko, ba kuvanina lwaku lu koluka, kibila bawombo mvandi bantomba kukoluka. Diawu buboti beni kukubikanga dilongi dyoso.

Mvutu wumboti wufweti ba . . .

• mu mambu ma khufi, masulama, ayi mu khambu vyoka beni thangu. Tufweti tombanga mvandi kuvaninanga wawu mu khambu vyoka 30 di zi segundo

• vanina mvutu beni mu bikuma byaku

• bika kuvutukila mambu mutu wunkaka kabe tuba

Boti ngye wutheti baveni lwaku lu koluka, muna . . .

• vana mvutu wusulama, mu kyuvu baveni

Boti bama vana mvutu wu kyuvu beni, muna wulenda kwaku . . .

• tubila matangu ma Kibibila mansudikisa mambu beni

• tubila tsundu mambu beni madi mu befu thangu ayiyi

• kufwanikisa phila tulenda sadila mambu beni

• kudedikisa mawu ayi mambu mammonika va dibweti widi