Bwidi bu Kusadila Buku—Mbi Kibibila Kilenda Kutulonga?

Buku Mbi Kibibila Kilenda Kutulonga yisi ko beni diswasana na buku O Que a Biblia Realmente Ensina. Kibila bidi bilongulu bi kulongila kyedika ki Kibibila. Vayi mwa diswasana didi. Buku Mbi Kibibila Kilenda Kutulonga mwidi bikuma bikhambulu phasi woso kwa mutu kalenda visa. Yawu yisi ko matangu matsuka vayi mwidi tsudukusu yi bikuma binkinza ku tsuka buku bitedi zi kapu. Va thonono yi kadika kapu vasi ko byuvu dedi bwididi buku O Que a Biblia Realmente Ensina ayi mwisi ko mvandi quadro yidi byuvu bi phutukulu. Ku tsuka yi kadika kapu, kwidi matangu mankinza ma Kibibila mantubila kapu beni. Dedi bo tunkabudilanga buku O Que a Biblia Realmente Ensina yoso kwa thangu mu ngonda, buawu mvandi tufweti kabudilanga buku Mbi Kibibila Kilenda Kutulonga. Bwidi tulenda sadila buboti buku Mbi Kibibila Kilenda Kutulonga bo tumvana ndongukulu yi Kibibila?

DILONGI: Bawombo bambakanga ndandu mu phila tumvaninanga ndongukulu yi Kibibila; kutanga theti kindwika mu buku O Que a Biblia Realmente Ensina, bosi kyuvu ayi mvutu. Vayi boti mutu beni kasa zaba ko buboti kutanga mbembo yidi mu kilongulu? Ngye wulenda sadila buku Mbi Kibibila Kilenda Kutulonga. Wulenda sadila matangu mankinza ma Kibibila madi ku tsuka kapu yibe sola ayi kundinda katanga mawu mu Kibibila kyandi. Mu kadika kyedika, ngye wulenda sadila 15 di minutu. Kuzaba ti wisinkwiza sadila ko dilongi dyoso ditedi kapu, nkinza beni ngye nsamuni kukubama buboti ayi kuzaba zitsatu zi nlonguki. Vayi boti nsamuni be sadila dilongi dyoso ditedi kapu, muna matangu mankinza ma Kibibila madi ku tsuka malenda ba phutukulu yi dilongi.

TSUDUKUSU YI BIKUMA: Tsudukusu yi bikuma yidi ku tsuka buku, yinlandasana mu phila zikapu zinlandisinina. Nsamuni kalenda sola kusadila voti ndamba tsudukusu yi bikuma yidi ku tsuka dilongi banlonguka mu buku Mbi Kibibila Kilenda Kutulonga.