‘Minu Kawu! Thuma!’

Mayindu ma kukivana maba ḿbikudi Yesaya, widi ntungulu wumboti tufweti landakana. Nandi wumonisa mana diawu ka kivanina mwingi kutumukina Yave kheti mu khambu zaba mambu malenda monika kuna. (Yesaya 6:8) Bukyedika ti kuba kwandi ngye kudekula thangu wumvyokisanga mu zitsatu zyaku, mwingi kukivana kuma kuntombila beni minsamuni mu kisalu ki Nzambi? (Minkunga 110:3) Boti kuba, muna ava wunanguka, buboti beni kutala ti lubongo wusweka mwingi kusadisila zitsatu zyaku lunkwiza fwana voti ndamba (Luka 14:27, 28) Diawu banga wukubama mwingi kubwela myoko mu kisalu ki kusamuna. (Matai 8:20; Malako 10:28-30 Video, Bawu ba Kivana Mwingi Kusadila Kwidi Tsatu, yimmonisa ti lusakumunu luwombo tulenda baka kwidi Yave befu kukivana mwingi kusadila kwidi tsatu.

BO MUMMANA KUTALA VIDEO, BOSI VUTULANU MIMVUTU MI BYUVU ABIBI:

• Mangolo mbi baboso va dikanda di Williams, bavanga mwingi kusadila kwidi tsatu ku tsi Equador?

• Mambu mbi matedi divula bafyongunina theti ava bananguka?

• Lusakumunu mbi bambakanga?

• Bwidi wulenda zabila divula dilutidi tsatu wulenda sola?

MU MBWONGIMINI WUNKWIZA BA NA DIKANDA DYAKU, TUBILANU MAMBU DEDI:

• Bwidi befu boso va dikanda tulenda luta bwedila Yave myoko mu kisalu kyandi ki kusamuna? (km 11/8 4-6)

• Boti twisi ko bu kusadila ku divula dinkaka didi tsatu, muna mbi tulenda luta vanga mwingi kubwela myoko mitu mu kimvuka twidi? (w16.03 23-25)