Bwela Pisuka Mu Kisalu Ki Kusamuna​—Kuvutukila Mutu Beni

NKINZA MBI KUVANGA MAWU: Batu bawombo banzolanga zitsangu zi Kintinu badi mu kutomba kyedika kitedi Nzambi. (Yesaya 55:6) Mwingi tu balonga bubote, tufweni ku bavutukilanga kadika thangu. Batu bammonikinanga ziphasi zivyakana, diawu phila yi kuba sadisila mwingi bazola zitsangu zi Kibibila mvandi yifweni ba yivyakana mu mutu ka mutu tunlonga. Twala luta vanga mawu bubote befu kukubama mu phila yifweni ayi kuba makani mu kadika mutu tumvutukila mwingi kuntwala tutona yandi ndongukulu yi Kibibila.

MBI WULENDA VANGA:

• Vanga mangolo wubika vyokisa beni bilumbu mwingi kumvutukila.—Matai 13:19

• Monisa kikundi ayi lukinzu. Bika kuba boma

• Tonina mu kumvana mbote mu mayangi. Ntedila mu dizina dyandi. Ntebula moyo kibila mbi ngye be vutukila—wulenda kumvana mvutu wu kyuvu wubika, nata levista wumvana kilumbu wuyoluka yandi, mmonisa khond’itu mayo, mmonisa video, voti wulenda kummonisa bwidi bumvangiminanga ndongukulu yi Kibibila. Wulenda balula mambu wunkwiza yoluka yandi ngye kumona ti nandi mambu mankaka ma kunkwazukila.—Filipi 2:4

• Tatamana buka kulemba nlangu mu kyedika kidi mu ntim’andi mu kuntangila matangu ma Kibibila voti kumbikila kilongulu Katanga. (1 Kolinto 3:6) Tomba kumfikama ayi kuba yandi kikundi

• Tomba bu kumvutukila