Tebuka Moyo Mamonikina Nkazi wu Loti

Kibila mbi nkazi wu Loti katadila kumbusa mu thangu kaba tina divula di Sodoma? Kibibila kisa tubila ko mawu. (Ngenesi 19:17, 26) Vayi mambu Yesu katuba mammonisa ti nandi waba yindula beni byuma kabika kumbusa. (Luka 17:31, 32) Bwidi tulenda bela keba keba mwingi tubika zimbisa kikundi kitu na Nzambi dedi nkazi wu Loti? Tufweti ba keba keba mwingi zinyenzi ayi byuma bi nza bibika ba va theti mu luzingu lwitu. (Matai 6:33) Yesu wulonga ti “tulendi sadila ko Nzambi ayi Zimbongo.” (Matai 6:24) Vayi mbi tulenda vanga befu kumona ti byuma bi nza bidi mu kutuvanga tubika baka thangu yifwana mwingi kusadila mambu ma kiphevi? Tulenda sambila kwidi Yave, kundinda ndwenga mwingi tubaka makani ma kubalula mavanga ayi kundinda mvandi katuvana kibakala ayi mangolo mwingi tununga kuvanga mawu.

TEBULA MOYO ZIKHOMBA BITINI BITATU BI VIDEO TEBUKA MOYO MAMONIKINA NKAZI WU LOTI, BOSI VANA MIMVUTU MI BYUVU BINLANDAKANA:

• 

  Bwidi luzolo lu kubaka zimbongo ziwombo lubaludila mayindu ma Gloria, mu thubulu ayi mu mavanga?

• Bwidi kifwani ki Nkazi wu Loti kididi ndubu kwidi befu bubu?

• Bwidi kulandakana malongi ma Kibibila kusadisila Joe ayi dikanda dyandi?

• Bwidi nzingulu Anna kaba nata ku kisalu yiba kuntatudila mu kiphevi?

• Kibila mbi tuntombilanga kuba kibakala boti ba kutukwika mwingi tutula zimbongo va theti mu luzingu?

• Bwidi Brian ayi Gloria bavutudila kutula zitsatu ziawu zi kiphevi va theti?

• Minswa mbi mi Kibibila ngye bemona bafwanikisa mu video ayiyi?