Ngye Wunnunganga Kuvisa Zikhadulu zi Nzambi Zikhambu Monikanga?

Bo ngye wummonanga kiteka kimboti beni, diyilu didi zimbwetila ziwombo voti mwila wunkumba nlangu, wumvisanga ti vadi mutu wuvanga biawu? Bivangu bi tuzungidila bimmonisa zikhadulu zi Yave. (Loma 1:20) Befu kuvwena swi mwingi kuyindula byuma meso mitu mammona, tulenda nunga kuvisa zikhadulu zi Yave buka mangolo mandi, luzolo, ndwenga, busonga bwandi ayi phila nandi kadidi koko kuyalubuka.—Minkunga 104:24.

Bivangu mbi bi Nzambi ngye wummonanga kadika kilumbu? Kheti va divula wunkalanga wulenda mona zinuni ayi minti. Kufyongunina buboti bivangu bi Yave, kulenda kutusadisa kudekula dibamu twidi, kusikika mayindu mu mambu malutidi nkinza, ayi kubwela kiminu kitu mu Yave ayi kukikinina ti nandi kalenda kutukieba mvu ka mvu. (Matai 6:25-32) Boti widi bana balezi, wuba sadisa babakula zikhadulu zi Yave. Bo tumbwela vwa nkinza bivangu bidi va nza, buawu tumbwela fikimina Mvang’itu.—Minkunga 8:3, 4.

TALANU VIDEO BIVANGU BI NZA BIMMONISA NKEMBO WU NZAMBI—MWINDA AYI NDIMBA, BOSI VUTULANU MIMVUTU MI BYUVU BINLANDA:

• Bwidi mwa byuma Nzambi katula mu bivangu byandi bitusadisilanga kumona ndimba zivyakana?

• Mbi bimvanganga byuma bilezama mu zindimba zivyakana?

• Kibila mbi tummwenanga zindimba zivyakana ku yilu?

• Ntindu zindimba mbi ngye wummonanga va wukala?

• Kibila mbi tufweti botudilanga thangu mwingi kutala buboti bivangu bidi mu nza?