Buidi Wala Kubimina mu Mbambukulu Moyo?

Tona mu mvu awuwu, tunkuiza luta baka thangu mwingi kukubama mu Mbambukulu Moyo yi Lufua lu Yesu. Boti kilumbu ki Mbambukulu Moyo kidedikini va khati sabala, buna lukutukunu Nzingulu ayi Kisalu Kitu ki Buklisto lualasa vangama ko mu sabala beni. Ayi mvandi, boti Mbambukulu Moyo yidedikini va tsuka sabala, buna lukutukunu va tsuka sabala, lualasa vangama ko. Ngiewu, wala luta sadila buboti thangu’aku? Dedi bo baba vangilanga mu thangu yikhulu, tufweti kubika byaboso bintombolo mwingi nkungi beni wuvioka buboti. (Luka 22:7-13; km 3/15 1) Vayi befu boso tufweti kubika mintima mitu. Bwidi tulenda vangila mawu?

• Yindula nkinza wu kuba mu lukutukunu beni.—1 Kolinto 11:23-26

• Sambila ayi yindula bwidi bwididi kikundi kiaku na Yave.—1 Kolinto 11:27-29; 2 Kolinto 13:5

• Tanga ayi yindula malongi ma Kibibila mantubila tsundu yi Mbambukulu Moyo.—Yoane 3:16; 15:13

Minsamuni minkaka banzolanga kutanga ayi kuyindula matangu ma Kibibila matedi Mbambukulu Moyo mankwizanga mu mwa nkanda Examine as Escrituras. Bankaka bantanganga matangu ma Kibibila mankuizanga mu mwa nkanda beni. Ayi bankaka bamvutukilanga kulonguka malongi madi mu Kibanga ki Nsungi matedi Mbambukulu Moyo mantubila luzolo Yave ayi Yesu batumonisina. Yosokua phila wulenda sola mwingi kulonguka, yala kusadisa wuluta fikama Yave ayi Mwan’andi.