Kuvana Lusadusu Kuidi Bamviokila mu Bivuka, Yidi Mvandi Phila yi Kuvangila Kisalu Kitu Kuidi Yave

8:1-4; 9:7

Kisalu kitu kuidi Yave kitedi mambu muadi mankinza:—“kisalu kivutulanga nguizani,” voti kisalu kitu ki kusamuna ayi kulonga, ayi “kisalu ki kuvana lusadusu” kuidi zikhomba zitu mu thangu bammonikina bivuka. (2 Kolinto 5:18-20; 8:4) Kusadisa zikhomba zitu mu phila ayoyo diambu dinkinza beni mu kisalu kitu kinlongu. Mu kubuela myoku, befu . . .

• tuidi mu kukeba zitsatu zi zikhomba zitu zi babakala ayi zi bakieto.​—2 Kolinto 9:12a

• tuidi mu kusadisa zikhomba beni bamviokila mu ziphasi bavutuka kuba bakindama mu kiphevi. Phila yinkinza tulenda vangila mawu, yidi mu kuba sadisa kuvutuka kuvanga ndongukulu yi Kibibila yi baveka, kukuenda mu zikhutukunu ayi kusamuna zitsangu mu kifuzi. Yawu phila yimboti yi kuvutudila matondo kuidi Yave mu mamoso ka kuba vangila.​—2 Kolinto 9:12b

• tuidi mu kuvana nkembo kuidi Yave. (2 Kolinto 9:13) Kheti batu bakhambu zolanga Zimbangi zi Yave, ba tutubilanga buboti mu thangu bammona kisalu tumvanga muingi kusadisa zikhomba bamonikanga bivuka.