Yave Wunzolanga Batu Badiodila

“Matata bamvanganga mangolo ma kulonga bana bawu muingi baba badiola.” Bawu bantubanga: Sukula mioko. Ludika kivinga kiawu. Diodisa nzo, loza tsodo. Bukiedika, mambu matata banlonganga bana matedi kudiodisa ayi kuba wudiodila mamfuminanga kuidi Yave. (Esodu 30:18-20; Deutelonomi 23:14; 2 Kolinto 7:1) Bo tundiodisa nyitu’itu ayi biuma bitu, yidi phila yi kuzitisila Yave. (1 Petelo 1:14-16) Vayi mbi tulenda tuba matedi nzo’itu ayi kibuangu tukala? Tuidi disuasana na batu banlozanga tsodo mu zinzila ayi mu mila. Bo tuidi Baklisto tumvanganga mangolo ma kudiodisa kibuangu tuidi. (Minkunga 115:16; Nzaikusu 11:18) Kheti mu biuma biluelo befu tummonisanga ti tuidi badiodila. Dedi, kuidi wuntulanga minkanda wundila kiuma, mbuatila wunnuina malavu? ‘Befu tutidi kukimonisa mu mambu moso banga bisadi bi Nzambi.’—2 Kolinto 6:3, 4.

TALA VIDEO YINTUBA NZAMBI WUNZOLANGA BATU BADIODILA, BOSI VUTULA MIMVUTU MI BIUVU BINLANDA:

• Bibila mbi bawombo balenda vana muingi kumanga kuba wudiodila?

• Buidi nsiku wu Mose wummonisina phila Yave kantadilanga budiodila?

• Buidi tulenda vanina nzitusu kuidi Yave mu khambu yoluka ni diambu?