Tatamana Wukuikama bo Tsukulu Yidi mu Kefikamanga

NKINZA MBI KUVANGA MAWU: Thangu yiluelu yisiedi, befu tuala viokila mu mambu mala thota beni kibakala ayi lufiatu luitu mu Yave. Ziphasi zingolo ziala tona bo bala bunga binganga bioso bi luvunu. (Matai 24:21; Nzaikusu 17:16, 17) Yawu yala ba thangu yi phasi ayi ḿba tuala samuna tsangu yingolo yi lufundusu. (Nzaikusu 16:21) Bala tunuanisa kuidi Ngongi yi Mangongi. (Yehezekeli 38:10-12, 14-16 38:10-12, 14-16) Vayi muingi kukakudila dikabu diandi, Yave wala tona mvita wu ‘Alimangedoni.’ (Nzaikusu 16:14, 16) Muingi tuba kibakala ayi kununga mamoso tuala monikina, tufueti kuikama bo tumviokila mu zithotolo bubu.

MBI WULENDA VANGA:

• Mu kibakala, landakana minsiku misonga mi Yave.—Yesaya 5:20

• Tatamana kubuongimina Yave va kimueka na zikhomba.—Ebeleo 10:24, 25

• Tumukina zithuadusulu kimvuka ki Yave kitu vananga.—Ebeleo 13:17

• Yindulanga buidi Yave kavukisila dikabu diandi mu thangu yikhulu.—2 Petelo 2:9

• Sambila ayi fiatila Yave.—Minkunga 112:7, 8

TALANU VIDEO MAMBU MANKUIZA, MALA TOMBULU KIBAKALA—KITINI, BOSI VANANU MIMVUTU MI BIUVU BINLANDA:

• 

  Mambu mbi mathota kutumamana ku zikhomba tuma mona mu video?

• 

  Kithuadi mbi kidi mu kuba kibakala ayi kutumamana?

• 

  Kibila mbi vala tombulu kibakala bo Alimangedoni yala kuiza?

• 

  Kifuani mbi ki Kibibila kilenda buela kutu vana lufiatu ti Yave kalenda tuvukisa?—2 Lusansu 20:1-24