Zitisa Yave mu Kuba Ntuami Ntuala

Basi Isaeli baba bibila biwombo muingi kuzitisa Yave. Nandi wuba kula ku Ngipiti ayi wuba vukisa mu mioko mi masodi ma Falawo! (Esodu 15:1, 2) Yave wukhidi monisa mamboti kuidi bisadi biandi bubu. Buidi tulenda monisina ti tumvutulanga matondo mu mambu moso Yave katu vangilanga?—Minkunga 116:12.

Phila yimueka yidi mu kuba nsadisi wu mintuami ntuala voti kuba ntuami ntuala. Ngie kusambila kuidi Yave, nandi kalenda kuvana phuila ayi mangolo ma kuba ntuami ntuala. (Filipi 2:13) Bawombo bantoninanga mu kuba theti minsadisi mi mintuami ntuala. Buka, ngie wulenda sola kuvanga 30 voti 50 di bilokulu mu Ngonda Yintatu ayi Ngonda Yinna voti mu ngonda nkengididi wu bimvuka kankuiza tala kimvuka kinu. Bo wumvanga mawu, ḿba ngie mvaku wunkuiza tomba kuba ntuami ntuala. Vadi zikhomba ziwombo badi mintuami ntuala kheti bansalanga kilumbu kioso voti basi ko buvinya bumboti. (mwb16.07 8) Bukiedika, Yave fueni mu tambula nzitusu mu mangolo moso tumvanganga!—1 Lusansu 16:25.

TALANU VIDEO ZIKHOMBA ZITATU BASI MONGÓLIA, BOSI VANANU MIMVUTU MI BIUVU ABIBI:

• 

  Bikaku mbi zikhomba aziozi baviokila muingi baba mintuami ntuala?

• 

  Lusakumunu mbi batambula?

• 

  Bo bayiza ba mintuami ntuala, lusakumunu mbi lunkaka batambula mu kisalu ki thangu ka thangu?

• 

  Buidi kifuani kiawu kikindisila bankaka?