ZINGILA MU BUKLISTO
Bika Kutiamuna Mambu Ma Luvunu
Bubu, zitsangu zilenda tiamuka mu thinu kuidi batu bawombo mu nzila minkanda, bisengu bi kutiamunina mbembu ayi Internet. Batu bambuongiminanga “Nzambi yikiedika” batiamunanga ko mambu ma luvunu, kuba kuandi mu luzolo luawu voti ndamba. (Minkunga 31:5; Esodu 23:1) Kuzabikisa mambu ma luvunu kuidi bankaka malenda tuadisa ziphasi. Muingi wuzaba boti mambu madi makiedika wukiyuvusa:
‘Kuidi mambu beni mabe basikila?’ Ḿba mutu wunkoluka mawu kasi ko bivisa bioso. Mambu batu bawombo bankambasanaga mambalukanga. Diawu ba keba keba boti wusa zaba ko boti mambu beni madi makiedika. Zikhomba banfiatilanga beni batu badi biyeku mu kimvuka; diawu bawu bafueti ba keba keba muingi babika tuba mambu makhambulu bivisa bikedika.
‘Mambu beni mantubila bankaka bubi?’ Boti mawu mankuiza bivisa batu bankaka, buboti beni kubika koluka mawu.—Zingana 18:8; Filipi 4:8
‘Mawu madi makiedika?’ Ba keba keba bo wunkuwa mambu ayi binongu bi batu bankaka.
TALANU VIDEO BIKA KUTUBANGA BUEZI BOSI VANANU MIMVUTU MI BIUVU BINLANDA:
Dedi bummonisina Zingana 12:18, kibila mbi tufueti bela keba keba mu mambu tunkoluka?
Buidi Filipi 2:4 yilenda kutu sadisila kusola mambu tunkoluka matedi batu bankaka?
Mbi tufueti vanga boti batu bantona kutubila bankaka bubi?
Ava kutona kukoluka matedi bankaka, biuvu mbi tufueti kuyikuvusa?