Wulenda Kabila Thangu’aku ayi Mangolo Maku?

Dedi bo Yesaya kabikudila, bubu ndionzukulu yi Kimvuka ki Yave yidi mu kuluta buelama. (Yesaya 54:⁠2) Diawu vantombuluanga kutunga zinzo zi Kintinu ayi zifiliali. Bo bammanisa kutunga, vantombuluanga kubongisa ziawu ayi kuziludika. Buidi mawu matuvanina luaku lu kukabila thangu’itu ayi mangolo mitu kuidi Yave?

• Befu tulenda buela mioko boti dingumba ditu diawu dindiodisa nzo Kintinu

• Tulenda kukivana muingi kutambula khubumunu yi kubuongisa Nzo Kintinu

• Befu tulenda wesa nkanda DC-50 muingi kubuela mioko mu bisalu bi kutunga, kubuongisa zinzo zi kintinu ayi bisalu binkaka bidi mu kuvangama bifikama va tukala

• Tulenda wesa nkanda A-19 muingi kubuela mioko ku Beteli voti mu bibuangu binkaka ku filial’itu

TALANU VIDEO — KHUBUMUNU MUINGI KUTUNGA KIBUANGU KIMONA—KITINI, AYI VANANU MIMVUTU MI BIUVU BINLANDA:

• Mambu mbi mabaluka mu tsadulu yi zivideo tona mu mvu 2014?

• Muingi kuvanga zivideo zintombuluanga, mbi kimvuka kitu kinkuiza tunga ayi thangu mbi thungulu beni yala manina?

• Buidi zikhomba balenda buedila mioko thungulu ayoyi?

• Boti tidi kubuela mioko mu thungulu yala vangama ku Ramapo, kibila mbi fueti wesila nkanda DC-50 muingi wubuela theti mioko kisalu ki kutunga kifikama vo wukala?

• Bivisa mbi bimmonisa ti Yave widi mu ‘kutuadisa’ khubumunu ayoyo?

• Buidi tulenda buedila mioko thungulu ayoyi, boti tuisiko bu kukuendila kuna muingi kusalisa kutunga?