Matoko—Yave Widi Nkund’inu Wulutidi?

Zikhadulu mbi wunzolanga mu bakundi baku? Bawombo bayindulanga ti nkundi wumboti wummonisanga lukuikumunu, mamboti ayi wunzolanga kukaba. Vayi Yave widi zikhadulu zioso aziozio. (Esodu 34:6; Mavanga 14:17) Nandi wunkuwanga bo wunkoluka yandi mu nsambu, ayi widi wukubama muingi ku kusadisa yosokua thangu wuntomba lusadusu luandi. (Minkunga 18:19, 35) Nandi wulemvukilanga zinzimbala ziaku. (1 Yoane 1:9) Bukiedika, vasiko nkundi wulutidi kena Yave!

Buidi ngie wulenda bela nkundi wu Yave? Mu kutanganga Kibibila muingi wunzaba buboti. Kunzabikisanga mambu moso mu nsambu. (Minkunga 62:8; 142:2) Mu kuvuanga nkinza mamoso Yave kamvananga luvalu. Dedi, Muan’andi, Kintinu kiandi ayi zikhanu ziandi. (Deutelonomi 32:3) Ngie kuvanga mangolo muingi kuba kikundi kifikama na Yave, nandi wala ba nkundi’aku mu zithangu zioso.—Minkunga 73:25, 26, 28.

TALANU VIDEO MATOKO—“BIMBANU AYI MONANU TI YAVE WIDI [NKUA MAMBOTI]” BOSI VANA MIMVUTU MI BIUVU BINLANDA:

• 

  Buidi ngie wulenda kubimina muingi kukivana ayi kubotama?

• 

  Buidi bankaka mu kimvuka balenda kusadisila kusadila Yave?

• 

  Buidi kusamuna kulenda kindisila kinkundi kiaku na Yave?

• 

  Mu ziphila mbi wulenda kukivanina mu kisalu ki Yave?

• Mbi ngiewu wunluta zolanga mu Yave?